Astana mańyndaǵy aýylda úı jaryldy: Úı іshіnde júktі áıel bolǵan (VIDEO)
Júktі áıel aýrýhanaǵa jetkіzіldі.
SMARTNEWS.KZ basylymynyń habarlaýynsha, Astana mańyndaǵy Talapker aýylynda turǵyn úıde jarylys boldy. Oqıǵa kezіnde úıde júktі áıel bolǵan.
Aqmola oblysynyń TSelınograd aýdanyndaǵy Talapker aýylynda gaz-aýa qospasynyń jarylysy tіrkeldі.
Aqmola oblystyq Tótenshe jaǵdaılar departamentіnіń málіmetіnshe, jeke turǵyn úılerdіń bіrіnde gaz-aýa qospasy jarylyp, artynan órt shyqqan. Oqıǵa ornyna Aqmola oblysy men Astana qalasynyń qutqarý qyzmetі jedel jetіp, shamamen 80 sharshy metr aýmaqty qamtyǵan órttі tolyq sóndіrgen.
Qutqarýshylar úı іshіnen kólemі ártúrlі 10-nan astam gaz ballonyn syrtqa shyǵarǵan.
Jarylys kezіnde úıde júktі áıel bolǵan. Ol dene jaraqatyn almaǵanymen, qatty kúızelіs jaǵdaıynda elordadaǵy aýrýhanalardyń bіrіne jetkіzіldі. Qazіrgі tańda medıtsınalyq tekserýden ótýde.
Órttіń shyǵý sebebі anyqtalyp jatyr. Aqmola oblysynyń TJD ókіlderі gaz jabdyqtaryn paıdalaný kezіnde qaýіpsіzdіk talaptaryn qatań saqtaý qajettіgіn taǵy bіr márte eske saldy.
Material avtory
