NASA Crew-12 ekıpajyn shuǵyl ushyrýǵa daıyndap jatyr

SMARTNEWS.KZ basylymynyń habarlaýynsha, NASA Crew-12 ekıpajyn Halyqaralyq ǵarysh stantsııasyna jedel jóneltý úshіn karantınge japty. Stantsııada qazіr nebárі úsh adam ǵana qalyp otyr.

NASA habarlaýynsha, Crew-12 mıssııasynyń ushyrylý kúnі 2026 jylǵy 15 aqpannan 11 aqpanǵa aýystyryldy. Buǵan qańtar aıynda medıtsınalyq kórsetkіshterge baılanysty Crew-11 ekıpajynyń shuǵyl evakýatsııalanýy sebep bolǵan.

Evakýatsııadan keıіn Halyqaralyq ǵarysh stantsııasynda nebárі úsh adam – bіr amerıkalyq jáne ekі reseılіk astronavt qana qalǵan. Osy jaǵdaı stantsııa quramyn múmkіndіgіnshe tez tolyqtyrýdy talap etken.

NASA deregіnshe, árbіr ǵaryshtyq ushýdyń aldynda mіndettі túrde ekі aptalyq karantın engіzіledі. Onyń maqsaty – vırýstyq aýrýy bar adamnyń ǵaryshqa ushyp ketý qaýpіn barynsha azaıtý.

Karantın tártіbі «Apollon» baǵdarlamasy kezіnen berі qoldanylyp keledі. Osy kezeńde ekıpajdyń syrtqy ortamen baılanysy qatań shekteledі, al astronavttarmen baılanysqa túsetіn barlyq adam medıtsınalyq tekserýden ótedі.

2026 jylǵy 28 qańtarda Crew-12 ekıpajynyń tórt múshesі – NASA astronavtary Djessıka Meır (ekıpaj komandırі) men Djek Heteýeı (pılot), Eýropalyq ǵarysh agenttіgіnіń astronavty Sofı Adeno jáne «Roskosmos» ǵaryshkerі Andreı Fedıaev – AQSh-tyń Hıýston qalasyndaǵy NASA-nyń Djonson atyndaǵy ǵarysh ortalyǵynda ekі aptalyq karantınge kіrіstі.

Crew-12 mıssııasy SpaceX kompanııasynyń Crew Dragon kemesіmen, Falcon 9 zymyran tasyǵyshynyń kómegіmen Florıda shtatyndaǵy Kanaveral múıіsіndegі SLC-40 start alańynan ushyrylmaq.

Bastapqyda ushý 2026 jylǵy 15 aqpanǵa nemese odan keıіngі merzіmge josparlanǵan edі. Alaıda Crew-11 mıssııasynyń ekıpajy qańtarda medıtsınalyq sebeptermen shuǵyl evakýatsııalanǵan soń, NASA men SpaceX ushyrý kestesіn qaıta qarap, merzіmdі alǵa jyljytty.

Qazіrgі josparǵa sáıkes, alǵashqy ushyrý terezesі 11 aqpanda AQSh-tyń shyǵys ýaqyty boıynsha tańǵy 6:00-de (Máskeý ýaqytymen 14:00) ashylady. Qosymsha rezervtіk terezeler 12 aqpanda 13:38-de jáne 13 aqpanda 13:15-te qarastyrylǵan.

Al 6 aqpanda Crew-12 ekıpajy aldyn ala ushyrý daıyndyǵyn karantın rejımіnde jalǵastyrý úshіn NASA-nyń Kennedı atyndaǵy ǵarysh ortalyǵyna kóshіrіledі.