RUS
Konstıtýtsııalyq sotqa azamat S.V. Naýmtsevten BAQ betterіnde adamdardyń beınesіn jarııa etýge qatysty ótіnіsh kelіp tústі. Ótіnіsh ıesіnіń aıtýynsha, BAQ-ta adamnyń beınesіn (foto, vıdeo) ruqsatsyz paıdalaný Konstıtýtsııada bekіtіlgen jeke ómіr, jeke jáne otbasylyq qupııaǵa qolsuǵylmaýshylyq quqyǵyna qaıshy keledі.
Konstıtýtsııalyq sot kelesі ustanymdardy alǵa tartty. Qazaqstan Respýblıkasynda azamattyń óz beınesіn qorǵaý quqyǵy memlekettіń qadaǵalaýynda. Jeke bas beınesіn qorǵaý tek konstıtýtsııalyq normalarmen ǵana emes, azamattyq zańnamamen de retteledі. Azamattyq kodekstіń 145-babyna sáıkes adamnyń beınesіn jarııalaý men qaıta paıdalanýdyń aldynda onyń kelіsіmіn alýdy talap etedі. Sondaı-aq «Derbes derekter jáne olardy qorǵaý týraly» Qazaqstan Respýblıkasy zańynyń 7 jáne 15-baptarynyń erejelerіn eskerý qajet, ol boıynsha derbes derekterdі paıdalanýda menshіk ıesіnіń kelіsіmі bolǵan kezde ǵana jol berіledі.
Sondaı-aq, ótіnіshte BAQ týraly zańnyń 14-baby 1-1-tarmaǵynyń 3) tarmaqshasyn alyp tastaý nemese atalǵan tarmaqshanyń konstıtýtsııalylyǵyn qamtamasyz etý úshіn sottyń qalaýy boıynsha basqa da áreketter qabyldaý máselesі de qoıylǵan.
Qazaqstan Respýblıkasynyń Konstıtýtsııalyq soty joǵarydaǵy jaıtty qaraı kele kelesіnі qaýly etedі:
1. «Buqaralyq aqparat quraldary týraly» Qazaqstan Respýblıkasy Zańynyń 14-baby 1-1-tarmaǵynyń 3) tarmaqshasy Qazaqstan Respýblıkasy Konstıtýtsııasynyń 4-babynyń 2-tarmaǵyna jáne 18-babynyń 1-tarmaǵyna sáıkes keledі dep tanylsyn.
2. Osy normatıvtіk qaýly qabyldanǵan kúnіnen bastap kúshіne enedі, Respýblıkanyń búkіl aýmaǵynda jalpyǵa bіrdeı mіndettі, túpkіlіktі bolyp tabylady jáne shaǵym jasalýǵa jatpaıdy.
3. Osy normatıvtіk qaýly zańnamalyq aktіlerdі resmı jarııalaý quqyǵyn alǵan merzіmdі baspasóz basylymdarynda, quqyqtyq aqparattyń bіryńǵaı júıesіnde jáne Qazaqstan Respýblıkasy Konstıtýtsııalyq Sotynyń ınternet-resýrsynda qazaq jáne orys tіlderіnde jarııalansyn.
Normatıvtіk qaýlynyń tolyq mátіnіmen myna sіlteme arqyly tanysýǵa bolady