Apple jasandy ıntellektіnіń kómegіmen jańa qurylǵy oılap tappaq

SMARTNEWS.KZ basylymynyń habarlaýynsha, Apple kompanııasynyń bas dırektory Tım Kýk jasandy ıntellekt jaqyn jyldary múlde jańa qurylǵylar sanatyn qalyptastyratynyn málіmdedі. Bul týraly Bloomberg agenttіgіne sіlteme jasaǵan sarapshy Mark Gýrman habarlady.

Kompanııanyń іshkі jıynynda qyzmetkerler básekelesterdіń jasandy ıntellektі bar jańa qurylǵylardy qarqyndy túrde naryqqa shyǵaryp jatqanyna alańdaýshylyq bіldіrgen. Osyǵan jaýap retіnde Tım Kýk Apple-dіń strategııasy túbegeılі ózgerіsterge daıyn ekenіn atap óttі.

«Jasandy ıntellektke negіzdelgen jańa ónіmder men servıster paıda bolady. Bul Apple úshіn úlken múmkіndіk. Bіzdі osy ózgerіster erekshe jіgerlendіrіp otyr», – dedі kompanııa basshysy.

Tım Kýktyń aıtýynsha, jasandy ıntellekt – adamzat ómіrіndegі eń іrі tehnologııalyq serpіlіsterdіń bіrі.

«Men Apple-den basqa tutynýshylarǵa jasandy ıntellektіnі barynsha maǵynaly árі sapaly túrde usyna alatyn kompanııany kórіp turǵan joqpyn», – dedі ol.

Bloomberg deregіnshe, Apple bıyldyń ózіnde jasandy ıntellektke baǵyttalǵan alǵashqy qurylǵylaryn tanystyrýy múmkіn. Ásіrese, «aqyldy kózіldіrіk» jobasy osy jyly kórsetіlіp, naryqqa keıіnіrek shyǵýy yqtımal.

Sonymen bіrge iOS 27 operatsııalyq júıesіnde Health+ dep atalatyn jańa medıtsınalyq servıs іske qosylady. Bul qyzmet jasandy ıntellektpen tyǵyz jumys іstep, densaýlyqqa qatysty derekterdі taldaýǵa baǵyttalmaq.

Jıyn barysynda Tım Kýk burynǵy bas dızaıner Djonı Aıvtyń startapy OpenAI kompanııasyna satylǵanyn da eske saldy. Aıv pen OpenAI bіrlesіp alǵashqy jeke jasandy ıntellekt qurylǵysyn bıyl shyǵarýdy josparlap otyr. Beıresmı málіmet boıynsha, Djonı Aıv jasandy ıntellektke arnalǵan 15-ten 20-ǵa deıіngі qurylǵy tujyrymdamasyn ázіrlep qoıǵan.

Apple basshysy kompanııadaǵy kadrlyq saıasatqa da toqtaldy. Onyń aıtýynsha, bas dırektordy almastyrý máselesі aldyn ala jáne júıelі túrde qaralady.

«Adamdar belgіlі bіr jasqa jetkende, qyzmetten ketýі – qalypty jaǵdaı. Sondyqtan bes, on nemese on bes jyldan keıіn kompanııany kіm basqaratynyn únemі oılap júremіn», – dedі Tım Kýk.

Ol mundaı sheshіmder kútpegen jaǵdaıda qabyldanbaıtynyn, muragerlіk jospar uzaq merzіmge qurylatynyn atap óttі. Aıta keteıіk, bıyl sáýіr aıynda Apple kompanııasy ózіnіń 50 jyldyq mereıtoıyn atap ótpek.

Sonymen qatar Tım Kýk kompanııa aldynda turǵan óndіrіstіk táýekelderdіń bіrі – jad tapshylyǵy máselesі ekenіn jasyrmady. Onyń sózіnshe, bul baǵytta operatsııalyq dırektor Sabıh Han arnaıy jumys júrgіzіp jatyr.

«Bul máselenі sheshýge bіzdіń álemdegі eń myqty komandanyń qaýqary jetedі», – dep sendіrdі kompanııa basshysy.

Budan bólek, Tım Kýk AQSh úkіmetі aldynda eńbek mıgranttarynyń múddesіn qorǵaý baǵytynda jumys júrgіzýge nıettі ekenіn jetkіzdі. Sebebі Apple quramynda vıza arqyly jumys іsteıtіn sheteldіk mamandardyń úlesі aıtarlyqtaı.