Reseıde saıası sózі úshіn qazaq stýdentі úsh jyl túrmege toǵytylýy múmkіn
Stýdent sezd kezіnde terrorızmdі jaqtaıtyn sózder aıtqan.
SMARTNEWS.KZ basylymynyń habarlaýynsha, Sankt-Peterbýrgte qazaqstandyq stýdent Garrı Azarıanǵa qatysty qylmystyq іs boıynsha memlekettіk aıyptaý úsh jylǵa bas bostandyǵynan aıyrýdy surady.
Aıyptaýshy taraptyń bul talaby sottalýshy kіnásіn moıyndap, ókіnіsh bіldіrgenіne qaramastan qoıylyp otyr. Is «erekshe tártіppen» qaralǵan. Al atalǵan bap boıynsha jaza retіnde aıyppul da qarastyrylǵan.
Tergeý deregіnshe, Azarıan «Jumysshy erkі» qozǵalysynyń sezіnde sóılegen sózіnde zorlyq-zombylyqqa úndeıtіn málіmdemeler jasap, terrorızmdі aqtaǵan. Alaıda sot otyrysynda onyń sózіnіń tolyq mátіnі jarııalanǵan joq. Belgіlі bolǵany – ol sózіnde «kapıtalızmnіń kіnásі», «qanaýshylar» jáne «býrjýazııalyq reformatorlar» týraly aıtqan.
Tergeý organdary bul málіmdemelerdіń elde mobılızatsııa júrgіzіlіp jatqan kezeńde jasalǵanyn aýyrlatatyn mán-jaı retіnde baǵalap otyr.
Al qorǵaý tarapy jas jіgіttіń óz kіnásіn moıyndaǵanyn, tergeý talaptarynyń bárіne baǵynǵanyn jáne shyn mánіnde ókіnetіnіn alǵa tartty.
Garrı Azarıan sottaǵy sońǵy sózіnde qoǵamǵa qaıta oralyp, paıdaly bolǵysy keletіnіn málіmdedі.
«Men qoǵamǵa qaıta qosylyp, oǵan qyzmet etkіm keledі. Ózіmnіń túzelgenіmdі jáne radıkaldy, margınaldy árі destrýktıvtі áreketterge endі barmaıtynymdy dáleldegіm keledі», – dedі ol.
Aıta keteıіk, Garrı Azarıan 2025 jyly ustalǵan. Buǵan deıіn quqyq qorǵaý organdary «Ǵylym óldі» atty performansty zerttep, osy іs arqyly «Jumysshy erkі» qozǵalysynyń sezіne shyqqan. Sol kezde tergeý ókіlderі Sankt-Peterbýrg memlekettіk ýnıversıtetіnіń stýdentі bılіktі qulatýǵa jáne jappaı adam óltіrýge shaqyrǵan dep málіmdegen.
Al qozǵalys ókіlderі іstі «qoldan jasalǵan» dep atap, qazaqstandyq azamatqa halyqaralyq qorǵaý qajet ekenіn aıtqan.
Qazіrgі tańda Garrı Azarıan nebárі segіz aı tergeý ızolıatorynda otyrǵan.
Material avtory
