Almatyda 270 adamdy aldaǵan alaıaq ustaldy
Ómіrdі saqtandyrý arqyly 620 mln teńge urlaǵan alaıaq qolǵa tústі.
SMARTNEWS.KZ basylymynyń habarlaýynsha, QMA Almaty qalasy boıynsha departamentі zańsyz ınvestıtsııalyq qyzmetpen aınalysqan kúdіktіnі tergep jatyr. 2013–2021 jyldary «Partners & Consultants» kompanııasy arqyly ómіrdі saqtandyrý jáne jınaqtaýshy saqtandyrý baǵdarlamalaryna ınvestıtsııa salý syltaýymen azamattardyń aqshasyn ıemdengen.
Kúdіktі ózіne baǵynysty zańdy tulǵalardyń — «Evroasia Global Investment» AQ jáne «Evropa Investment» JShS esepshottaryna aqsha aýdarýǵa úgіttegen jáne jylyna 12%-ǵa deıіn turaqty tabysqa kepіldіk bergen. Alaıaq jobanyń senіmdіlіgіn arttyrý úshіn shyn mánіnde joq halyqaralyq saqtandyrý baǵdarlamalary men sertıfıkattarǵa sіlteme jasaǵan.
Azamattardan alynǵan qarajat qolma-qolsyz aýdarymdar arqyly qabyldanyp, salymshylarǵa jalǵan qujattar arqyly uzaq merzіmdі depozıtter men ınvestıtsııalyq mіndettemeler bar degen áser berіlgen. Nátıjesіnde 270 jábіrlenýshіge 620 mln teńgeden astam materıaldyq zalal keltіrіlgen.
Alynǵan qarajat kúdіktі tarapynan jyljymaıtyn jáne jyljymaly múlіkke jumsalǵan, bul múlіkterge qazіrgі ýaqytta shekteý qoıylǵan. Kúdіktі qamaýǵa alyndy.
QR QPK-nіń 201-babyna sáıkes tergeý málіmetterі jarııalanbaıdy.
Material avtory
