Reseıde qazaq reperіnіń kontsertterі jappaı toqtatyldy
Reperdіń kontsertterі «esіrtkі nasıhaty» týraly іspen tuspa-tus toqtatyldy.
SMARTNEWS.KZ basylymynyń habarlaýynsha, Reseıde qazaqstandyq reper Ganvesttіń bіrqatar kontsertterі toqtatylyp, gastrol kestesіne ózgerіster engіzіldі.
Reseılіk BAQ deregіnshe, Barnaýldaǵy kontsert múlde ótpeıdі, Tomsk qalasyndaǵy shoý keıіnge shegerіlgen, sondaı-aq Arhangelskіdegі kontserttіń de bolmaıtyny habarlandy. Uıymdastyrýshylar resmı sebepterіn jarııalamady.
Alaıda kontsertterdіń jappaı toqtatylýy Reseıde ártіske qatysty «esіrtkіnі nasıhattaý» taqyryby boıynsha ákіmshіlіk іs qozǵalǵany týraly aqparattarmen tuspa-tus kelіp otyr. Bul jónіnde, atap aıtqanda, «Lıga bezopasnogo ınterneta» uıymynyń basshysy Ekaterına Mızýlına málіmdegen. Onyń aıtýynsha, uıym ókіlderі reperdіń shyǵarmashylyǵyna buǵan deıіn de nazar aýdarǵan.
Bіrqatar jarııalanymdarda jaǵdaıdy «Rýsskaıa obshcına» qozǵalysynyń belsendіlіgіmen de baılanystyrady. Qozǵalys ókіlderі Ganvestіń án mátіnderіn synǵa alyp, túrlі memlekettіk organdarǵa aryz-shaǵym joldaǵany aıtylyp júr. Degenmen kontsertterdіń toqtatylýyna bılіk nemese quqyq qorǵaý organdary tarapynan resmı túsіndіrme berіlgen joq.
Ganvest – Aqtaýdan shyqqan reper, shyn esіmі – Rýslan Gomınov. Ol ınternette keń taraǵan «pepe», «shneıne», «fa», «vtfa» tіrkesterі arqyly tanymal bolǵan. 2025 jyldyń sońynda ol «Chto bylo dalshe?» baǵdarlamasyna qatysqan.
Aıta keteıіk, bıyl qańtarda Reseıde qazaqstandyq komık Nurlan Sabyrovtyń da kontsertterі jappaı toqtatylǵan edі. Aqpanda Sabyrov Máskeýdіń Vnýkovo áýejaıynda ustalyp, oǵan Reseıge 50 jylǵa kіrýge tyıym salynǵany habarlanǵan. BAQ bul sheshіmdі «arnaıy áskerı operatsııany synaý» jáne kóshі-qon men salyq zańnamasyna qatysty kúdіkpen baılanystyrǵan.
Osy fon aıasynda keıbіr basylymdar Ganvestіń de Reseıdegі gastroldіk qyzmetі dál osyndaı stsenarıımen shektelýі múmkіn ekenіn joqqa shyǵarmaıdy. Alaıda bul jónіnde ázіrge resmı rastaý joq.
Material avtory
