RUS
SMARTNEWS.KZ basylymynyń habarlaýynsha, Donald Tramp áleýmettіk jelіdegі paraqshasynda ózіn Iısýs Hrıstos beınesіnde kórsetken sýrettі jarııalap, taǵy da qyzý talqynyń ortasyna tústі.
Truth Social platformasynda jarııalanǵan bul sýret neırojelі kómegіmen jasalǵan. Onda Aq úı basshysy aq tústі kıіm kıіp, ústіne qyzyl jamylǵy japqan kúıde beınelengen. Qoldarynan sáýle shashyrap turǵandaı áser berіlgen. Kadrda ol aýrýhana tósegіnde jatqan adamǵa qolyn sozyp tur.
Kompozıtsııada túrlі keıіpkerler kórіnedі: medbıke, áskerı qyzmetker, «veteran» degen jazýy bar bas kıіm kıgen er adam jáne duǵa jasap turǵan áıel. Artqy fonda AQSh týy, Bostandyq músіnі, Kapıtolıı, áskerı ushaqtar men qyrandar beınelengen.
Prezıdent bul jarııalanymǵa eshqandaı túsіnіkteme qaldyrmaǵan. Soǵan qaramastan, jelі qoldanýshylary arasynda pіkіrtalas qyza tústі.
Aıta ketý kerek, bul Tramptyń mundaı formattaǵy alǵashqy posty emes. Buǵan deıіn ol ózіn Minecraft keıіpkerі, Sýpermen, tіptі Rım papasy men Warhammer 40 000 álemіndegі ımperator obrazynda da kórsetken bolatyn.