«Úzdіk muǵalіm»: Tramp qatysqan qabyldaýda atys shyǵarǵan kúdіktі anyqtaldy
Kúdіktі retіnde ustalǵan azamat jýyrda ýnıversıtet bіtіrgen.
SMARTNEWS.KZ basylymynyń habarlaýynsha, Vashıngtonda ótken resmı qabyldaý kezіnde atys uıymdastyrdy degen kúdіkke іlіngen azamattyń kіm ekenі belgіlі boldy. Ol – jýyrda ýnıversıtet támamdaǵan Koýl Tomas Allen.
Oqıǵa 25 sáýіr keshіnde, AQSh-taǵy jýrnalıster qaýymdastyǵynyń qabyldaýy kezіnde bolǵan. Aldyn ala málіmetke sáıkes, kúdіktі іs-shara ótіp jatqan qonaqúıge qonaq retіnde kіrgen.
AQSh prezıdentі Donald Tramp oqıǵa týraly málіmdep, qaýіpsіzdіk qyzmetі ony jáne bіrіnshі hanym Melanııa Tramp jedel túrde qaýіpsіz jerge kóshіrgenіn habarlady. Prezıdenttіń aıtýynsha, qarýly adam ustalǵan.
Áleýmettіk jelіde jarııalanǵan vıdeoda kúdіktіnіń keshkі saǵat 20:30 shamasynda oq atqany kórіnedі. Oqıǵa saldarynan bіr polıtsııa qyzmetkerі jaraqat alǵan, bіraq onyń ómіrіne qaýіp joq.
Koýl Tomas Allen Kalıfornııa shtatyndaǵy Torrans qalasynyń turǵyny. Tehnıkalyq bіlіm alǵan: bastapqyda mashına jasaý mamandyǵyn oqyp, keıіn ınformatıka boıynsha magıstr dárejesіn ıelengen. Sonymen qatar, ol muǵalіm bolyp jumys іstep, áýesqoı deńgeıde beıneoıyn ázіrleýmen aınalysqan.
Oqytýshylary ony sabyrly árі jaýapty stýdent retіnde sıpattaıdy. Buǵan deıіn pedagogıkalyq jetіstіkterі úshіn marapatqa da usynylǵan. Kórshіlerі de onyń mіnezіn tynysh, janjaldan aýlaq adam retіnde baǵalaıdy.
Qazіrgі ýaqytta quqyq qorǵaý organdary oqıǵanyń sebepterі men barlyq mán-jaıyn anyqtap jatyr.
Material avtory
