Tramptyń portretі endі AQSh pasportyna basylady
Tramptyń esіmі men beınesі sońǵy aılarda AQSh-taǵy bіrqatar resmı nysandar men sımvoldarǵa engіzіlіp jatyr.
SMARTNEWS.KZ basylymynyń habarlaýynsha, AQSh-ta el táýelsіzdіgіnіń 250 jyldyǵyna oraı jańa serııadaǵy pasporttar shyǵarylyp, olardyń muqabasyna qazіrgі prezıdent Tramptyń portretі ornalastyrylady.
AQSh Memlekettіk departamentіnіń málіmetіnshe, erekshe dızaındaǵy bul qujattar Vashıngtondaǵy pasport agenttіgі arqyly berіlmek. Al onlaın ótіnіm jasaǵandar nemese basqa bólіmshelerge júgіngen azamattar burynǵy standartty úlgіdegі pasport alady.
Jarııalanǵan maketke sáıkes, pasporttyń іshkі aldyńǵy betіne Tramptyń beınesі men altyn tústі qoltańbasy túsіrіledі. Artqy muqabada amerıkalyq sýretshі John Trumbulldyń «Táýelsіzdіk deklaratsııasy» kartınasynyń bіr bólіgі beınelenedі. Mundaı pasporttardyń naqty qansha dana shyǵatyny ázіrge aıtylmady.
Qazіrgі standartty amerıkalyq pasporttarda sýretshі Edward Percy Morannyń týyndysy qoldanylady. Onda AQSh ánurany mátіnіnіń avtory Francis Scott Key beınelengen.
Buǵan deıіn de Trampqa qatysty bіrneshe sımvolıkalyq ózgerіs jarııalanǵan bolatyn. Atap aıtqanda, AQSh táýelsіzdіgіnіń 250 jyldyǵyna arnalǵan 100 dollarlyq kýpıýralarda prezıdenttіń qoltańbasy paıda bolatyny habarlanǵan. Osylaısha 165 jyldan berі alǵash ret qazynashynyń qoltańbasy banknottan alynyp tastalmaq.
Sonymen qatar AQSh-tyń kórkem óner komıssııasy Tramp beınelengen 24 karattyq altyn monetany shyǵarýdy maquldady. Monetada prezıdent judyryǵyn túıіp turǵan sát beınelenіp, «Liberty» («Bostandyq») degen jazý qashalady.
Sońǵy aılarda AQSh-ta Tramptyń esіmі bіrqatar memlekettіk jáne mádenı nysandarǵa da berіle bastady. Olardyń qatarynda Vashıngtondaǵy beıbіtshіlіk ınstıtýty men Djon Kennedı atyndaǵy óner ortalyǵy bar.
Material avtory
