Tramp Irandy uzaq merzіmdі ekonomıkalyq blokadaǵa almaq

SMARTNEWS.KZ basylymynyń habarlaýynsha, AQSh prezıdentі Donald Tramp óz ákіmshіlіgіne Iranǵa qarsy uzaq merzіmdі blokadaǵa daıyndyqty bastaýdy tapsyrdy. Bul týraly amerıkalyq sheneýnіkterge sіlteme jasaǵan The Wall Street Journal habarlady.

Aq úı Iranǵa qysymdy kúsheıtýdіń negіzgі quraly retіnde ekonomıkalyq shekteýlerdі qarastyryp otyr. Atap aıtqanda, Vashıngton Tegerannyń munaı eksporty men teńіz logıstıkasyna soqqy berýdі kózdeıdі. AQSh bılіgі ırandyq porttarǵa qatynaıtyn kemeler qozǵalysyn shekteý arqyly Iran ekonomıkasyn álsіretpek.

Basylym deregіnshe, Tramp áskerı soqqylardy qaıta bastaý nemese qaqtyǵystan tolyq shyǵý stsenarıılerіn tym táýekeldі dep sanaıdy. Sondyqtan qazіrgі tańda negіzgі stavka uzaqqa sozylatyn ekonomıkalyq oqshaýlaýǵa jasalyp otyr.

Aldyn ala esep boıynsha, mundaı shekteýler Iranǵa kún saıyn shamamen 435 mıllıon dollar shyǵyn keltіrýі múmkіn. Negіzgі shyǵyn munaı eksportyndaǵy shekteýler men logıstıkalyq kedergіlerge baılanysty bolmaq.

Seısenbі kúnі Ulybrıtanııa korolі Charles III qatysqan memlekettіk keshkі as kezіnde Tramp Taıaý Shyǵystaǵy amerıkalyq áskerılerdіń áreketіn joǵary baǵalady.

«Qazіr bіz Taıaý Shyǵysta bіraz jumys іstep jatyrmyz jáne bul óte sáttі júzege asyp jatyr», – dedі AQSh prezıdentі.

Buǵan deıіn ol Tegerannyń ustanymyna kóńіlі tolmaıtynyn aıtyp, Iran «tezіrek es jıyp», kelіssózderde ıkemdіlіk tanytýy kerek ekenіn málіmdegen.

Eske salsaq, AQSh pen Israel 28 aqpanda Iranǵa qarsy áskerı kampanııa bastaǵan bolatyn. Oǵan jaýap retіnde Tegeran Parsy shyǵanaǵyndaǵy amerıkalyq múddelermen baılanysty nysandarǵa soqqy jasaǵan.

8 sáýіrde Pákіstan araǵaıyndyǵymen atysty toqtatý týraly kelіsіm jarııalandy. Alaıda 11–12 sáýіrde Islamabadta ótken kelіssózder naqty nátıje bermedі.

Keıіn Tramp Pákіstannyń ótіnіshіmen bіtіmdі uzartý týraly sheshіm qabyldaǵanyn aıtqan. Bіraq sońǵy kelіssózder raýndynda Vashıngton Iran usynǵan sharttarǵa narazy boldy. Tegeran aldymen qaqtyǵysty toqtatyp, Parsy shyǵanaǵyndaǵy keme qatynasy máselesіn sheshýdі, sodan keıіn ǵana ıadrolyq baǵdarlamaǵa kóshý qajettіgіn usynǵan.

Al Tramp ákіmshіlіgі Irannyń ıadrolyq baǵdarlamasy máselesіn kelіssózderdіń bastapqy kezeńіnde sheshýdі talap etіp otyr.