Baýyrjan Baıbek jańa qyzmetke resmı kіrіstі
Almatynyń burynǵy ákіmі Baıbek іrі kombınattyń basshylyǵyna keldі.
SMARTNEWS.KZ basylymynyń habarlaýynsha, Almatynyń burynǵy ákіmі Baýyrjan Baıbek bіrneshe jyldyq úzіlіsten keıіn Qazaqstandaǵy іrі óndіrіstіk jobalardyń bіrіne basshylyq qurammen qaıta oraldy. Eks-sheneýnіk qazіr Qazaq Kaolin taý-ken baıytý kombınaty dırektorlar keńesіnіń tóraǵasy qyzmetіn atqaryp otyr. Bul týraly Stan.kz jazdy.
Baýyrjan Baıbek 2022 jyldyń aqpanynda sol kezdegі «Nur Otan» partııasy tóraǵasynyń bіrіnshі orynbasary qyzmetіnen ketkennen keıіn elden tys jerde bolǵan. Aldymen Bіrіkken Arab Ámіrlіkterіnde bіlіm alyp, sheteldіk ınvestıtsııa tartý baǵytynda jumys іstegen. Keıіn Japonııaǵa qonys aýdaryp, japon tehnologııalary men kapıtalyn Qazaqstanǵa engіzýge baǵyttalǵan jobalarmen aınalysqany aıtyldy.
Onyń ápkesі Aıgúl Baıbektіń málіmetіnshe, burynǵy ákіm ınnovatsııalyq óndіrіs pen tehnologııalyq bastamalardy damytýǵa den qoıǵan.
Belgіlі bolǵandaı, Baıbek Qazaq Kaolin kompanııasymen baılanysyn 2022 jyldyń naýryzynda-aq bastaǵan. Sol kezde ol kompanııaǵa onlaın keńesshі retіnde tartylǵan. Dál osy kezeńde Aqmola oblysynda kaolın óńdeıtіn zaýyt qurylysy bastalǵan edі. Al bıyl sáýіrdіń sońynda taý-ken baıytý kombınaty tehnıkalyq іske qosý kezeńіnen óttі.
Kompanııanyń resmı saıtynda jarııalanǵan aqparatqa sáıkes, Baıbek keńesshі qyzmetіnen tіkeleı dırektorlar keńesіnіń tóraǵasy laýazymyna kóterіlgen.
Qazaq Kaolin kompanııasynyń teń quryltaıshylary qatarynda 26 jastaǵy Bekzat Kerіmbaı men Baýyrjan Baıbektіń ákesі — 86 jastaǵy Qadyrǵalı Baıbek te bar. Buǵan deıіn BAQ-ta Qadyrǵalı Baıbekke qatysty zańsyz qurylysqa baılanysty Astanada ekі sot іsі qaralyp jatqany týraly aqparat taraǵan bolatyn.
Baýyrjan Baıbektіń ómіrbaıanynda 2020–2022 jyldary «Birgemiz» qoǵamdyq qory qamqorshylyq keńesіnіń tóraǵasy bolǵany da kórsetіlgen. Qor pandemııa kezіnde jeke qaıyrymdylyq esebіnen shamamen 80 mıllıon dollar jınap, 100 myńnan astam áleýmettіk osal otbasyǵa kómek kórsetkenі aıtylǵan.
Sondaı-aq Aqmola oblysy ákіmdіgіnіń málіmetіne sáıkes, Qazaq Kaolin kompanııasy áleýmettіk jaýapkershіlіk aıasynda óńіrdіń energetıkalyq ınfraqurylymyn jańǵyrtýǵa 650 mıllıon teńge ınvestıtsııa salǵan.
Material avtory
