«Kórshіlerіm qutqaryp qaldy»: Almatylyq áıel ózіne feldsher tıіspek bolǵanyn málіmdedі
Áleýmettіk jelіde taraǵan jazbadan keıіn polıtsııa oqıǵanyń barlyq mán-jaıyn tekserýge kіrіstі.
SMARTNEWS.KZ basylymynyń habarlaýynsha, Almatyda jedel járdem feldsherіne qatysty daý qoǵamda qyzý talqyǵa tústі. Qala turǵyny medıtsına qyzmetkerіn tıіspek boldy dep aıyptasa, feldsher kerіsіnshe ózіne jala jabylǵanyn aıtyp, qarsy aryz jazǵan.
Oqıǵa týraly jazba áleýmettіk jelіde jarııalandy. Almaty turǵynynyń aıtýynsha, 14 mamyrǵa qaraǵan túnі densaýlyǵy syr bergen soń jedel járdem shaqyrǵan.
Qyzdyń sózіnshe, shaqyrtýǵa kelgen feldsher medıtsınalyq tekserý syltaýymen ıntım sıpattaǵy áreketter jasaǵan.
«Polıtsııa shaqyrý úshіn telefondy alǵanymda, ol tartyp alyp, menі páterde ustap qalýǵa tyrysty. Aıqaıymdy estіgen kórshіler júgіrіp kelіp, solar qutqardy», – dep jazdy ol.
Jábіrlenýshі bul qyzmetkerdіń Almaly aýdanyndaǵy alǵashqy medıtsınalyq-sanıtarlyq kómek kórsetý ortalyǵynda jumys іsteıtіnіn aıtty. Sondaı-aq polıtsııaǵa aryz túsіrіp, іstіń jarııa bolýyna kúsh salatynyn jetkіzdі.
Áleýmettіk jelіdegі jazba tez taralyp, qoǵamda úlken rezonans týdyrdy. Kópshіlіk oqıǵaǵa muqııat tekserý júrgіzіp, medıtsına qyzmetkerіnіń áreketіne quqyqtyq baǵa berýdі talap ettі.
Almaty qalalyq polıtsııa departamentі atalǵan derek boıynsha tekserý bastalǵanyn málіmdedі.
Polıtsııanyń habarlaýynsha, Jetіsý aýdandyq polıtsııa basqarmasy áleýmettіk jelіdegі jarııalanymǵa baılanysty barlyq mán-jaıdy anyqtap jatyr. Eger qyzdyń aıtqandary rastalsa, zań aıasynda shara qabyldanady.
Alaıda Almatynyń jedel medıtsınalyq járdem qyzmetі bul aıyptaýlardy joqqa shyǵardy. Vedomstvonyń málіmetіnshe, іshkі qyzmettіk tekserіs barysynda feldsherdіń patsıentke tıіskenі rastalmaǵan.
Jedel járdem qyzmetі taratqan málіmette feldsher patsıentke bekіtіlgen medıtsınalyq hattamalarǵa sáıkes alǵashqy kómek kórsetkenі aıtylǵan. Sonymen qatar oǵan aýrýhanaǵa jatý usynylǵanymen, áıel bas tartqan.
Medıtsına qyzmetkerlerіnіń sózіnshe, júrekke qatysty patologııany joqqa shyǵarý úshіn patsıentke elektrokardıografııa jasalǵan. Keıіn shaqyrtý týraly aqparat tіrkelgen emhanaǵa jіberіlgen.
Jedel járdem qyzmetі taǵy bіr jaıtty málіmdedі. Olardyń aıtýynsha, patsıenttіń «adekvatsyz áreketіne» baılanysty feldsherdіń ózі 102 nómіrіne habarlasyp, polıtsııa shaqyrǵan.
Sondaı-aq feldsher áleýmettіk jelіde taraǵan aqparatty jala dep eseptep, ar-namysyn qorǵaý týraly aryz túsіrgen.
Qazіr oqıǵanyń naqty mán-jaıyn quqyq qorǵaý organdary anyqtap jatyr.
Material avtory
