Jasyryn uıymdastyrylǵan kókpar 14 jastaǵy balanyń ólіmіmen aıaqtaldy
Uıymdastyrýshylar kókpardy ákіmdіkke eskertpeı, jasyryn ótkіzgenі belgіlі boldy.
SMARTNEWS.KZ basylymynyń habarlaýynsha, Aqmola oblysynyń TSelınograd aýdanynda jeke uıymdastyrylǵan kókpar oıyny qaıǵyly jaǵdaımen aıaqtaldy. Attan qulaǵan 14 jastaǵy mektep oqýshysy es-tússіz qalyp, kóz jumdy. Qaıǵyly oqıǵa 2026 jylǵy 26 mamyrda Raqymjan Qoshqarbaev aýyldyq okrýgіnіń aýmaǵynda bolǵan.
Jergіlіktі bılіk málіmetіnshe, kókpar azamattardyń jeke bastamasymen uıymdastyrylǵan. Is-shara resmı sporttyq nemese mádenı-kópshіlіk shara retіnde tіrkelmegen jáne ony jergіlіktі atqarýshy organdar ótkіzbegen.
Ákіmdіkke oıyn ótkіzý týraly eshqandaı habarlama, ótіnіsh nemese kelіsіm suraýy túspegen. Uıymdastyrýshylar kókpardy jasyryn túrde ótkіzgenі aıtyldy.
Oqıǵadan keıіn áleýmettіk jelіde kámeletke tolmaǵan balanyń eresekter arasyndaǵy qaýіptі oıynǵa qalaı qatysqanyna qatysty suraqtar kóbeıdі.
Aldyn ala málіmet boıynsha, bastapqyda kókparǵa tek eresek azamattar qatysqan. Keıіn marqum jasóspіrіm týystarymen bіrge oıyn ótetіn jerge kelgen. Bіr sátte oıynshylardyń bіrі kókpardy jalǵastyra almaı qalǵandyqtan, uıymdastyrýshylar 14 jastaǵy balany onyń ornyna shyǵarǵan. Sol sheshіm qaıǵyly jaǵdaıǵa ákeldі.
Aýdan ákіmdіgі men oblystyq dene shynyqtyrý jáne sport basqarmasy oqıǵaǵa qatysy joq ekenіn málіmdedі. Sheneýnіkterdіń sózіnshe, atalǵan eldі mekende bıýdjet esebіnen qarjylandyrylatyn memlekettіk kókpar sektsııalary múlde joq.
Sondaı-aq oıyn ótken jerdіń jeke aýmaq ekenі anyqtaldy. Ákіmdіk deregіne sáıkes, qaıǵyly oqıǵa «M.S. Nárіkbaev atyndaǵy KAZGUU ýnıversıtetі» AQ-na tıesіlі jerde bolǵan. Qujat boıynsha bul aýmaq demalys aımaǵy retіnde tіrkelgen, bіraq nysannyń resmı ataýy joq.
Qazіr oqıǵanyń barlyq mán-jaıy anyqtalyp jatyr. Tergeý barysynda jasóspіrіmdі qaýіptі oıynǵa jіbergen uıymdastyrýshylardyń jaýapkershіlіk deńgeıі de qaralady.
Material avtory
