«Grýzııadan kólіk ákelemіz»: Tarazda erlі-zaıypty týysyn 20 myń dollarǵa aldap ketken
Tarazda týystar arasyndaǵy úlken somaǵa qatysty daý sotqa jettі.
SMARTNEWS.KZ basylymynyń habarlaýynsha, Taraz qalasynda týystar arasyndaǵy іrі qarjylyq daý sot tártіbіmen qaralyp, taraptardyń ózara kelіsіmge kelýіmen aıaqtaldy. Qala turǵyny ápkesі men jezdesіne senіp tapsyrǵan 20 myń AQSh dollarynyń qaıtarylmaǵanyna baılanysty sotqa júgіngen.
Taraz qalalyq sotynyń málіmetіnshe, azamatsha M. óz ápkesі men jezdesіne qatysty bereshek qarajatty óndіrý týraly talap aryz bergen. Is materıaldaryna sáıkes, 2023 jyldyń mamyr aıynda jaýapkerler talapker men onyń jubaıyn 20 myń AQSh dollaryn berýge kóndіrgen. Olar bul qarajatty Grýzııadan avtokólіk satyp alyp, keıіn qaıta satyp paıda tabý maqsatynda paıdalanatynyn aıtqan. Al tabysty turǵyn úı alýǵa jumsaý josparlanǵan.
Alaıda talapkerdіń aıtýynsha, aqsha berіlgennen keıіn týystar óz mіndettemelerіn oryndamaǵan. Qarajat qaıtarylmaı, jaýapkerler baılanysqa shyqpaı qoıǵan.
Talap aryzda talapker negіzsіz baıý somasyn óndіrýdі, sot shyǵyndaryn óteýdі jáne jaýapkerlerdіń múlkі men bank shottaryna tyıym salýdy suraǵan. Degenmen sot sheshіmі shyǵarylǵanǵa deıіn taraptar medıatsııa tártіbіmen kelіsіmge kelgen.
Sottyń málіmetіnshe, taraptar daýdy beıbіt jolmen retteý týraly kelіsіm jasap, ony bekіtýge usynǵan. Kelіsіm sharttaryna sáıkes, jaýapkerler talapkerge 19 250 AQSh dollaryn tóleýge mіndetteldі.
Kelіsіmge qol jetkіzіlgennen keıіn talapker óz talap aryzynan bas tartqan. Qarajat Qazaqstan Ulttyq bankіnіń resmı baǵamy boıynsha teńgemen tólenіp, 8,9 mıllıon teńgeden asady. Sonymen qatar talapkerge tólengen memlekettіk baj tolyq qaıtarylǵan.
Sot taraptarǵa kelіsіm sharttary erіktі túrde oryndalmaǵan jaǵdaıda, qujattyń májbúrlі túrde oryndalatynyn túsіndіrgen.
Sot uıǵarymy zańdy kúshіne engen. Qazіrgі ýaqytta jaýapkerler talapkerge 10 myń AQSh dollaryn tólegen.
Material avtory
