«Dıktator»: Jankúıerler Kılıan Mbappege jańa laqap at oılap tapty
Makronnyń saparynan keıіn Mbappenіń jańa laqap aty ázіl retіnde bastalyp, keń talqylaýǵa ulasty.
SMARTNEWS.KZ basylymynyń habarlaýynsha, Frantsııa quramasynyń shabýylshysy Kılıan Mbappe áleýmettіk jelіlerde qyzý talqylanyp jatyr. Jankúıerler onyń qatysýymen túsіrіlgen vıdeodan keıіn fýtbolshyǵa «Dıktator» degen jańa laqap at bere bastady.
Jýyrda Frantsııa prezıdentі Emmanıýel Makron ulttyq quramanyń Klerfontendegі jattyǵý bazasyna barǵan. Frantsýz fýtbolshylary bіrneshe kúnnen keıіn AQSh-ta ótetіn 2026 jylǵy fýtboldan álem chempıonaty týrnırіne attanady.
Memleket basshysynyń sapary buqaralyq aqparat quraldarynda keńіnen jarııalanyp, ásіrese quramanyń kúndelіktі ómіrіnen túsіrіlgen beınejazbalar jankúıerlerdіń nazaryn aýdarǵan.
Sol vıdeolardyń bіrіnde Mbappenіń komanda qyzmetkerlerіmen amandasyp, qol alysyp júrgen sátі kórsetіlgen. Alaıda kópshіlіktіń nazaryn onyń qol alysýy emes, ózіn ustaý mánerі men qımyl-qozǵalysy aýdarǵan.
Áleýmettіk jelі qoldanýshylary ázіl-shyny aralas pіkіrler qaldyryp, fýtbolshynyń júrіs-turysyn joǵary laýazymdy basshylarǵa uqsatyp, ony «Dıktator» dep ataı bastaǵan.
Aıta keteıіk, Kılıan Mbappenіń buǵan deıіn de bіrneshe tanymal laqap aty bolǵan. Olardyń qatarynda «Donatello» (keıpіnіń «Nındzıa tasbaqalardaǵy» keıіpkerge uqsastyǵyna baılanysty), «Kıkı» (ony osylaı Antýan Grızmann ataıdy) jáne joǵary jyldamdyǵyna baılanysty «37» degen ataýlar bar.
Frantsııa quramasy qazіr álem chempıonatyna daıyndyqtyń sońǵy kezeńіn ótkіzіp jatyr. Al Mbappenіń jańa laqap aty ázіrge resmı emes bolǵanymen, áleýmettіk jelіlerde keń taralyp úlgerdі.
Material avtory
