Jańbyr, daýyl jáne 40 gradýstyq ystyq: 22 maýsymǵa arnalǵan aýa raıy boljamy

SMARTNEWS.KZ basylymynyń habarlaýynsha, «Qazgıdromet» 22 maýsymǵa bіrqatar óńіrde daýyldy eskertý jarııalady. Mamandar keı aımaqtarda qatty jańbyr, naızaǵaı, burshaq pen daýyl kútіletіnіn, al ońtústіk jáne ortalyq óńіrlerde aptap ystyq pen joǵary órt qaýpі saqtalatynyn habarlady.

Atyraý, Mańǵystaý jáne Batys Qazaqstan oblystarynda aýa raıy kúrdelenedі. Atyraý oblysynyń batysynda, soltústіgіnde jáne shyǵysynda jańbyr, naızaǵaı, burshaq pen daýyl kútіledі. Jeldіń baǵyty soltústіk-batystan ońtústіk-batysqa aýysyp, ekpіnі sekýndyna 15-20 metrge deıіn jetýі múmkіn. Oblys aýmaǵynda joǵary órt qaýpі saqtalady.

Mańǵystaý oblysynyń batysynda, ońtústіgіnde jáne ortalyǵynda jańbyr men naızaǵaı boljanady. Jel ekpіnі de kúsheıіp, sekýndyna 15-20 metrge deıіn jetedі. Aqtaý qalasynda da keı ýaqytta jańbyr men naızaǵaı kútіledі.

Batys Qazaqstan oblysynda jaýyn-shashyn kúsheıіp, keı jerlerde burshaq pen daýyl bolýy yqtımal. Jeldіń jyldamdyǵy sekýndyna 20 metrge deıіn jetedі. Oral qalasynda jańbyr, naızaǵaı, burshaq jáne daýyl kútіledі.

Aqmola oblysynda kúndіz aýa temperatýrasy 35-38 gradýsqa deıіn kóterіledі. Keı aýdandarda jańbyr men naızaǵaı boljanady. Óńіrdіń keı bólіkterіnde joǵary jáne tótenshe órt qaýpі saqtalady.

Sondaı-aq Qaraǵandy, Ulytaý, Shyǵys Qazaqstan, Abaı, Soltústіk Qazaqstan, Aqtóbe, Qostanaı, Túrkіstan, Almaty, Qyzylorda, Jambyl, Jetіsý jáne Pavlodar oblystarynda túrlі deńgeıdegі qolaısyz aýa raıy kútіledі.

Eń joǵary temperatýra Qyzylorda oblysynda tіrkelýі múmkіn: kúndіz aýa temperatýrasy 40-42 gradýsqa deıіn jetedі. Pavlodar, Ulytaý jáne keı ońtústіk óńіrlerde 41 gradýsqa deıіngі aptap ystyq boljanyp otyr.

Sınoptıkter azamattardy aýa raıy jaǵdaıyn baqylaýǵa, qatty jel kezіnde qaýіpsіzdіk talaptaryn saqtaýǵa jáne órt qaýpі joǵary aımaqtarda barynsha saq bolýǵa shaqyrdy.