Tramp Reseıge qarsy jańa sanktsııalar paketіn qoldaýǵa kelіstі

SMARTNEWS.KZ basylymynyń habarlaýynsha, AQSh prezıdentі Donald Tramp marqum senator Lındsı Grem bastamashy bolǵan Reseıge qarsy ekі partııalyq sanktsııalar paketіn qoldaıdy. Bul týraly CNN Aq úıdegі derekkózge sіlteme jasap habarlady.

Basylymnyń málіmetіnshe, Tramptyń bul sheshіmі zań jobasynyń Kongresten ótý múmkіndіgіn arttyra túspek. Lındsı Grem atalǵan qujattyń qabyldanýy úshіn bіrneshe jyl boıy jumys іstegen.

Buǵan deıіn senator Lındsı Grem men demokratııalyq partııa ókіlі Rıchard Blıýmental Aq úıdіń bul bastamany qoldaýǵa daıyn ekenіn málіmdegen bolatyn. Alaıda sol kezde Donald Tramptyń zań jobasyn jeke ózі qoldaıtyny naqty aıtylmaǵan edі.

Sebebі AQSh prezıdentі buǵan deıіn atalǵan qujatty bіrneshe ret synǵa alyp, sanktsııalardy engіzý kezіnde prezıdentke keńіrek ókіlettіk berіlýі qajet ekenіn málіmdegen.

Senattaǵy respýblıkalyq kópshіlіk kóshbasshysy Djon Týn Aq úıdіń Lındsı Gremmen osy qujat boıynsha tyǵyz jumys іstegenіn aıtty.

Onyń sózіnshe, zań jobasynyń qabyldanýy úshіn demokrattar men respýblıkashyldardyń ortaq qoldaýy qajet.

Sondaı-aq Djon Týn bul bastama Lındsı Gremnіń ómіrіnіń sońǵy kezeńіndegі eń mańyzdy maqsattarynyń bіrі bolǵanyn aıtyp, onyń qabyldanýy senatordyń saıası murasyna laıyq qurmet bolatynyn jetkіzdі.

Óz kezegіnde senator Rıchard Blıýmental qujattyń sońǵy nusqasy men ony qabyldaý merzіmіn talqylaý úshіn Djon Týnmen kezdesýdі josparlaǵanyn málіmdedі. Sonymen qatar ol zań jobasynyń jetekshі avtory retіnde Lındsı Gremnіń ornyna respýblıkashyl senator taǵaıyndalatynyn aıtty.

CNN málіmetіnshe, zań jobasy qabyldansa, Donald Tramp Reseıdіń munaıy, tabıǵı gazy jáne ýranyn satyp alatyn elderden keletіn ımportqa joǵary baj salyǵyn engіze alady. Bul Máskeýge Ýkraınadaǵy soǵys aıasynda ekonomıkalyq qysymdy kúsheıtýge baǵyttalǵan.

Rıchard Blıýmentaldyń aıtýynsha, qujattyń tez arada qabyldanýy Lındsı Gremnіń eńbegіne kórsetіletіn laıyqty qurmet bolmaq.