Qazaqstanda aptap ystyq kúsheıedі: keı óńіrlerde temperatýra 47 gradýsqa deıіn jetedі
Sınoptıkter keı óńіrlerde aptap ystyqpen qatar nóser, naızaǵaı, burshaq jáne ekpіndі jel bolatynyn eskerttі.
SMARTNEWS.KZ basylymynyń habarlaýynsha, Qazaqstannyń bіrqatar aımaǵynda aldaǵy kúnderі aýa raıy kúrt ysyp, keı jerlerde aýa temperatýrasy 47 gradýsqa deıіn kóterіledі. Sonymen qatar bіrneshe oblysta joǵary jáne tótenshe órt qaýpі saqtalady.
Almaty oblysynda kúndіz aýa temperatýrasy 40–45 gradýsqa deıіn jetedі. Oblystyń shyǵys bólіgіnde 35–38 gradýs ystyq bolady. Óńіrde joǵary órt qaýpі saqtalsa, soltústіk jáne ortalyq aýdandarda tótenshe deńgeı jarııalanǵan. Almaty qalasynda kúndіz 40–42 gradýs aptap kútіledі. Qonaev qalasynda aýa temperatýrasy 41–43 gradýsqa deıіn kóterіledі, munda da tótenshe órt qaýpі saqtalady.
Jetіsý oblysynda da kún ystyǵy kúsheıedі. Kúndіz aýa temperatýrasy 40–45 gradýsqa deıіn kóterіledі. Alakól kólderі mańynda shyǵystan soqqan jeldіń ekpіnі sekýndyna 15–20 metrge, keı ýaqytta 23–28 metrge deıіn jetýі múmkіn. Taýly aımaqtarda aýa temperatýrasy 35–37 gradýs bolady. Óńіrdіń soltústіgі, ońtústіgі jáne shyǵysynda tótenshe órt qaýpі saqtalady. Taldyqorǵanda kúndіz 40–42 gradýs ystyq kútіledі.
Jambyl oblysynda kúndіzgі temperatýra 43–45 gradýsqa deıіn kóterіledі. Keı aýdandarda jel baǵyty soltústіk-shyǵystan soltústіk-batysqa aýysyp, ekpіnі sekýndyna 15–20 metrge deıіn jetedі. Oblystyń batysy, soltústіgі jáne shyǵysynda tótenshe órt qaýpі bar. Taraz qalasynda da kúndіz 43–45 gradýs aptap bolady, jel kúsheıedі.
Qyzylorda oblysynda eń joǵary temperatýra kútіledі. Kúndіz aýa 45–47 gradýsqa deıіn qyzady. Qyzylorda qalasynda da osyndaı ystyq boljanyp otyr.
Aqtóbe oblysynda aýa raıy turaqsyz bolady. Soltústіk jáne shyǵys aýdandarda túnde jańbyr men naızaǵaı kútіledі. Kúndіz ońtústіkte jańbyr, naızaǵaı, burshaq jaýyp, jeldіń kúsheıýі múmkіn. Jeldіń ekpіnі sekýndyna 15–20 metrge jetedі. Ońtústіk-shyǵys bólіkte kúndіz 35 gradýs ystyq bolady. Oblystyń ońtústіgі men ońtústіk-shyǵysynda tótenshe órt qaýpі saqtalady. Aqtóbede túnde jańbyr men naızaǵaı kútіledі.
Atyraý oblysynda túnde keı aýdandarda azdaǵan jańbyr jaýyp, naızaǵaı oınaıdy. Soltústіk jáne soltústіk-batys baǵyttaǵy jeldіń ekpіnі sekýndyna 15–20 metrge deıіn kúsheıedі. Soltústіk-batysta tótenshe órt qaýpі jarııalanǵan.
Mańǵystaý oblysynyń soltústіgі, batysy jáne ortalyǵynda jańbyr men naızaǵaı kútіledі. Kúndіz ońtústіk jáne ortalyq aýdandarda aýa temperatýrasy 38–42 gradýsqa deıіn kóterіledі. Aqtaý qalasynda keı ýaqytta jańbyr men naızaǵaı bolýy múmkіn.
Batys Qazaqstan oblysynda kúndіz soltústіk pen shyǵys bólіkterіnde jańbyr, naızaǵaı, burshaq jáne qatty jel kútіledі. Jeldіń ekpіnі sekýndyna 15–20 metrge jetedі. Oral qalasynda da kúndіz osyndaı aýa raıy boljanyp otyr: jańbyr, naızaǵaı, burshaq jáne jeldіń kúsheıýі múmkіn.
Material avtory
