Qazaqtardy qorlaǵan Ekaterına Bıvol turmysqa shyqqaly jatyr
Qazaqstanda іzdeýde júrgen áıel toıǵa daıyndalyp júr.
SMARTNEWS.KZ basylymynyń habarlaýynsha, Qazaqstanda halyqaralyq іzdeýde júrgen Ekaterına Bıvol turmysqa shyǵatynyn jarııalady. Bul týraly NewTimes.kz basylymy jazdy.
Bloger qýanyshty jańalyǵyn Instagram paraqshasynda bólіstі. Ol Máskeýdegі meıramhanalardyń bіrіnde túsіrіlgen bіrneshe sýrettі jarııalap, gaýһartas ornatylǵan neke júzіgіn kórsettі. Alaıda bolashaq jarynyń kіm ekenіn ashyp aıtpaı, ortaq fotoda onyń júzіn jasyryp qoıǵan.
«Men «ıá» dedіm! Senі súıemіn, janym!» – dep jazdy Ekaterına Bıvol.
Eske salaıyq, Ekaterına Bıvol qyrǵyzstandyq kásіpqoı boksshy Dmıtrıı Bıvolmen on jyldan astam ýaqyt otasqan. Erlі-zaıyptylardyń ekі uly bar. Ajyrasqannan keıіn olardyń arasyndaǵy daý-damaı, ózara aıyptaýlar men sot protsesterі qoǵam nazarynan túsken joq.
Ótken jyldyń kúzіnde Ekaterına Bıvoldyń esіmі taǵy da daýǵa іlіktі. Onyń Telegram-arnasynda qazaqtar men qyrǵyzdarǵa qatysty balaǵat sózder men qorlaıtyn málіmdemeler aıtylǵan vıdeo jarııalandy.
Keıіn Sankt-Peterbýrgtіń Lenın aýdandyq soty ultaralyq arazdyqty qozdyrý іsі boıynsha ony 60 saǵat qoǵamdyq jumysqa tartý týraly sheshіm shyǵardy. Bul jaza joǵarydaǵy vıdeoǵa baılanysty taǵaıyndalǵan.
2025 jyldyń qarasha aıynda Ekaterına Bıvol psıhıatrııalyq aýrýhanaǵa jatqyzylǵan bolatyn. Onyń aıtýynsha, mundaı sheshіmge burynǵy kúıeýіnіń jankúıerlerі men týystary sııaqty úshіnshі tulǵalardyń shaǵymdary sebep bolǵan.
Buǵan deıіn Qazaqstan polıtsııasy Ekaterına Bıvoldy halyqaralyq іzdeýge jarııalaǵan. Oǵan qatysty ultaralyq arazdyqty qozdyrý babymen qylmystyq іs qozǵalǵan. Osyndaı tekserýdі Qyrǵyzstannyń Ishkі іster mınıstrlіgі de bastap, ulttyq jáne dіnı arazdyqty qozdyrý belgіlerіn tekserýge kіrіsken.
Qazaqstan tarapy Ekaterına Bıvoldy Reseıden ekstradıtsııalaýdy suraıtynyn da buǵan deıіn málіmdegen.
Material avtory
