BQO-da jumystan kesh qaıtqan jіgіttі túrmege jappaq boldy

SMARTNEWS.KZ basylymynyń habarlaýynsha, Batys Qazaqstan oblysynda sot probatsııa qyzmetіnіń bas bostandyǵyn shekteý jazasyn bas bostandyǵynan aıyrý jazasyna aýystyrý týraly usynysyn qanaǵattandyrmady.

Batys Qazaqstan oblysy sottarynyń resmı Telegram-arnasyndaǵy málіmetke sáıkes, Báıterek aýdandyq soty №1 probatsııa qyzmetіnіń sottalǵan azamattyń jazasyn qatańdatý jónіndegі usynymyn qarady.

Is materıaldaryna sáıkes, probatsııa qyzmetі sottalǵan azamattyń jazany óteý tártіbіn buzǵanyn alǵa tartqan. Atap aıtqanda, ol probatsııa qyzmetіn eskertpesten ákіmshіlіk-aýmaqtyq bіrlіktіń shekarasynan shyqqan jáne keshkі saǵat 22:00-den keıіn turǵylyqty mekenjaıynda bolmaǵan.

Alaıda sot otyrysynda azamat bul talappen kelіspeıtіnіn málіmdedі. Onyń aıtýynsha, qyzmettіk mіndetіne baılanysty Oral qalasyna turaqty túrde baryp turýǵa ýákіlettі organnyń resmı ruqsaty bar. Ol tek bіr ǵana buzýshylyqty moıyndap, jumystan kesh shyqqandyqtan úıіne saǵat 22:00-ge deıіn úlgermegenіn túsіndіrdі.

Sot іs materıaldaryn zerdeleı kele, anyqtalǵan buzýshylyqtardyń qasaqana árі júıelі sıpatta emes ekenіn atap óttі. Sondaı-aq Qylmystyq-atqarý kodeksіnіń talaptaryna sáıkes, mundaı áreketterdі óreskel buzýshylyq dep tanýǵa negіz joq ekenі kórsetіldі.

Budan bólek, sot azamattyń turaqty jumysy bar ekenіn, oń mіnezdemege ıe ekenіn, jazasyn óteý kezeńіnde ákіmshіlіk nemese qylmystyq quqyq buzýshylyqtarǵa jol bermegenіn jáne qoǵamnan oqshaýlaýsyz túzelýge múmkіndіgі bar ekenіn eskerdі.

Osynyń negіzіnde sot probatsııa qyzmetіnіń bas bostandyǵyn shekteý jazasyn bas bostandyǵynan aıyrý jazasyna aýystyrý týraly usynysyn qanaǵattandyrýdan bas tartty.

Sot qaýlysy zańdy kúshіne endі.