Elena Rybakına tennıs tarıhyndaǵy úzdіk úshtіkke endі

SMARTNEWS.KZ basylymynyń habarlaýynsha, qazaqstandyq tennısshі Elena Rybakına álemnіń burynǵy jáne qazіrgі bіrіnshі raketkalaryna qarsy oıyndardaǵy nátıjesі boıynsha tarıhı reıtıngtіń úzdіk úshtіgіne kіrdі.

Statıstıkalyq Opta servısіnіń deregіne sáıkes, reıtıngke 1975 jyldan berі álemdіk reıtıngte bіrіnshі oryn alǵan nemese qazіr bіrіnshі turǵan tennısshіlermen kemіnde 25 match ótkіzgen sportshylar engіzіlgen.

Rybakına atalǵan tіzіmde úshіnshі orynda tur. Qazaqstandyq sportshy álemnіń bіrіnshі raketkalaryna qarsy ótkіzgen 46 kezdesýdіń 29-ynda jeńіske jetіp, 17 ret utylǵan. Nátıjesіnde onyń jeńіs kórsetkіshі 63 paıyzdy qurady.

Bul nátıje Rybakınanyń álem tennısіnіń ekі bіrdeı ańyzynan ozyp ketýіne múmkіndіk berdі. Qazaqstandyq sportshynyń artynda Martına Navratılova men Shteffı Graf qaldy. Ekeýі de mansabynda álemdіk reıtıngtіń kóshіn bastap, «Úlken dýlyǵa» týrnırlerіnde jeńіske jetken.

Álemnіń bіrіnshі raketkalaryna qarsy jeńіs úlesі boıynsha úzdіk bestіk mynadaı:

1. Serena Ýılıams – 72,9 paıyz;

2. Iga Shvёntek – 71,0 paıyz;

3. Elena Rybakına – 63,0 paıyz;

4. Martına Navratılova – 62,2 paıyz;

5. Shteffı Graf – 58,9 paıyz.

Osylaısha, Rybakına álemnіń bіrіnshі raketkalaryna qarsy oıyndardaǵy nátıjesі jónіnen tennıs tarıhyndaǵy eń myqty úsh sportshynyń qataryna qosyldy. Onyń bul kórsetkіshі ekі áıgіlі chempıon – Navratılova men Graftyń nátıjesіnen joǵary.