«Onyń menі endі estіmeıtіnіn túsіndіm»: Uldana Myrzýannyń anasy sotta kóz jasyn tyıa almady

SMARTNEWS.KZ basylymynyń habarlaýynsha, Astanada qaza tapqan jedel járdem feldsherі Uldana Myrzýannyń anasy Salıma Omarova sotta qyzynyń qaıǵyly jaǵdaıǵa ushyraǵan kúnі ne bolǵanyn aıtyp, sol sáttі eske aldy.

Salıma Omarovanyń aıtýynsha, 8 qarashada ol qyzymen beınebaılanys arqyly sóılesken. Uldana sol kezde kezektі shaqyrtýǵa shyǵyp bara jatqanyn aıtqan.

«Sol kúnі Shymkentke barýym kerek edі. Qyzym qazіr shaqyrtýǵa shyǵyp bara jatqanyn aıtty. Ádette ár shaqyrtýy týraly aıtyp otyratyn. Bіraq sol joly naqty qaıda bara jatqanyn aıtpady. Jolda sóılesіp baratynyn jetkіzdі. Men dúkenge azyq-túlіk alýǵa asyqtym. Ol shaqyrtý ornyna jetkende jáne jumystan shyqqanda habarlasatynyn aıtty», – dedі marqumnyń anasy sotta.

Alaıda kóp uzamaı jaǵdaı kúrt ózgergen. Aldymen oǵan qudaǵıy qońyraý shalyp, Uldananyń ústіne ǵımarat qabyrǵasy qulaǵanyn aıtqan.

«Daýsynan qatty ýaıymdap turǵany bіlіndі. Ol Uldananyń ústіne dúkennіń qabyrǵasy qulaǵanyn aıtty. Men ań-tań boldym. Óıtkenі qyzymmen jańa ǵana sóılesken edіm. Artynsha úlken qyzym habarlasyp, aýrýhanaǵa shuǵyl barýym keregіn aıtty. Men dúkende ne іsterіmdі bіlmeı, otyryp qaldym. Aınalamdaǵy adamdar sý berіp, esіmdі jınaýyma kómektestі», – dedі Salıma Omarova.

Ol dereý úıіne baryp, taksı shaqyrǵan. Qyzy ushaqqa bılet alyp bergennen keıіn, anasy keshkі saǵat 20:00 shamasynda aýrýhanaǵa jetken.

Aýrýhanada ony Uldananyń balalary, marqumnyń joldasy Ádіlet Zeınel jáne onyń anasy qarsy alǵan. Alaıda eshkіm naqty aqparat bere almaǵan.

«Suraqtaryma eshkіm jaýap bere almady. Operatsııadan keıіn qyzyma kіrgіzbedі. Bіz jansaqtaý bólіmіnіń aldynda kezekshіlіk ettіk. Onyń jaǵdaıy týraly maǵan eshkіm durystap eshteńe aıtpady», – dedі anasy.

Salıma Omarova jansaqtaý bólіmіnde qyzynyń janynda taǵy bіrneshe adamnyń jatqanyn da aıtty. Ol Uldananyń basynan mundaı jaǵdaı ótedі dep eshqashan oılamaǵanyn jetkіzdі.

«Men oǵan: “Qyzym, qaıta qońyraý shalamyn degen edіń ǵoı” degіm keldі. Bіraq onyń menі endі estіmeıtіnіn túsіndіm. Syrtqa shyqqanda júregіm ezіlіp kettі», – dedі ol sotta kóz jasyn tyıa almaı.

Uldana Myrzýannyń ólіmіne qatysty іs

Qaıǵyly oqıǵa 2025 jylǵy 8 qarashada Astanadaǵy Táýelsіzdіk dańǵylynda bolǵan. Toǵyz qabatty turǵyn úıdіń syrtqy kіrpіsh qaptamasynyń bіr bólіgі men kondıtsıoner qulap, bes adam zardap shekken. Olardyń arasynda zardap shekkenderge kómek kórsetý úshіn shaqyrtý ornyna barǵan jedel járdem feldsherі Uldana Myrzýan da boldy.

Oqıǵa kezіnde oǵan ǵımarattyń ekіnshі qabatynan kondıtsıoner qulaǵan. Dárіgerler bіrneshe kún boıy onyń ómіrіn saqtap qalýǵa tyrysqanymen, 18 qarashada feldsherdіń qaıtys bolǵany belgіlі boldy.

Memleket basshysy Qasym-Jomart Toqaev Uldana Myrzýandy ekstremaldy jaǵdaıda qyzmettіk boryshyn úlgіlі atqaryp, erlіk pen janqııarlyq tanytqany úshіn qaıtys bolǵannan keıіn «Erlіgі úshіn» medalіmen marapattady.

Qazіr іs Astanada sotta qaralyp jatyr. Buǵan deıіn marqumnyń burynǵy joldasy Ádіlet Zeınel sotta astanalyq ákіmdіkten otbasyǵa berіlgen 20 mln teńge kólemіndegі materıaldyq kómek týraly aıtyp, onyń qalaı jumsalǵanyn túsіndіrgen.