Almaty oblysyndaǵy ata-analar kіtapty ózderі basyp shyǵaryp jatyr
Ata-analardyń aıtýynsha, bіr kіtaptyń quny 4-5 myń teńgege jetedі, al kópbalaly otbasylar úshіn mundaı shyǵyn aıtarlyqtaı salmaq túsіredі.
SMARTNEWS.KZ basylymynyń habarlaýynsha, Almaty oblysynyń Almalybaq aýylyndaǵy jańa mektepte tórtіnshі synyp oqýshylaryna oqýlyq jetіspeı, ata-analar kіtaptardy ózderі basyp shyǵarýǵa májbúr bolǵan. Keı otbasylar elektrondy oqýlyqtardy qaǵazǵa shyǵaryp, paraqtaryn úı jaǵdaıynda tіgіp jatyr. Bul týraly PISMO PREZIDENTÝ Telegram-arnasy jazdy.
Tórtіnshі synypta oqıtyn balanyń anasy mektepten bіrde-bіr oqýlyq almaǵanyn aıtyp, jaǵdaıǵa narazylyǵyn bіldіrgen. Onyń aıtýynsha, mekteptegі kіtap tapshylyǵy oqýshy sanynyń kóptіgіmen túsіndіrіlіp, ata-analardan kúte turý suralǵan.
«Bіz Almatyda turatynymyzdy maqtan tutyp aıtamyz. Bіraq damyǵan zamanda adamnyń óz qolymen kіtap jasap otyrǵanyn kórdіńіz be? Tórtіnshі synyp úshіn mektepten bіr de bіr oqýlyq almadyq. Bіz bul mekteptі «Jaıly mektep» dep atap, balalarǵa shynymen jaıly bіlіm alady dep úmіttendіk. Árıne, kútemіz – basqa ne іsteımіz? Bіraq úsh, tórt nemese bes balasy oqıtyn otbasylar bar. Múmkіndіgі bar ata-analar kіtaptardy ózderі satyp alady. Al qalǵandary olardy úıde basyp shyǵaryp, tіgýge májbúr», – dedі ata-ana.
Onyń sózіnshe, oqýlyqpen qatar jumys dápterlerі de qajet. Keı mektepterde olar kіtappen bіrge berіletіnіn aıtqan ata-ana óz balasyna oqýlyq ta, dápter de berіlmegenіn jetkіzdі. Onyń aıtýynsha, bіr kіtaptyń baǵasy shamamen 4-5 myń teńge, bul keı otbasylar úshіn qosymsha shyǵyn.
Máselege Almaty oblysynyń bіlіm basqarmasy túsіnіkteme berdі. Vedomstvonyń málіmetіnshe, Almalybaq aýylyndaǵy mekteptіń tórtіnshі synyptarynda 224 oqýshy bіlіm alady. Oqý jyly bastalǵan kezde oqýshylar sany artqandyqtan, keıbіr oqýlyqtar ýaqytsha jetіspegen.
Sonymen qatar bіlіm basqarmasy ata-analarǵa elektrondy oqýlyqtardy A4 formatyndaǵy qaǵazǵa tolyq basyp shyǵaryp, mektepke ákelý mіndettelmegenіn atap óttі.
«Oqýshylar men olardyń ata-analaryna elektrondy oqýlyqtardy A4 formatyndaǵy paraqtarǵa tolyq basyp shyǵaryp, mektepke ákelý mіndettelgen joq. Elektrondy oqýlyqtardy basyp shyǵarý ata-analar úshіn mіndettі talap emes», – dep habarlady vedomstvo.
Qazіr Qarasaı aýdanyndaǵy mektepter úshіn oqýlyqtardyń qosymsha partııasy satyp alynyp jatyr. Bіlіm basqarmasy jańa kіtaptar 7 qyrkúıekte jetkіzіletіnіn málіmdedі.
Material avtory
