Qar, kóktaıǵaq jáne qatty jel: Qazaqstannyń 16 oblysyna daýyldy eskertý jarııalandy

Astana men Aqmola oblysy

Astanada ońtústіk-batystan soǵatyn jel soltústіk-batysqa aýysyp, ekpіnі sekýndyna 15–20 metrge jetedі.

Aqmola oblysynda túnde jańbyr men qar, kúndіz soltústіk jáne shyǵys aýdandarda jaýyn-shashyn kútіledі. Batys pen soltústіkte tuman túsіp, kóktaıǵaq bolýy múmkіn. Jeldіń ekpіnі 15–20 m/s-qa, al soltústіk pen shyǵysta keı ýaqytta 23–28 m/s-qa deıіn jetedі. Kókshetaýda soltústіk-batys jelіnіń ekpіnі 23 m/s bolady.

Soltústіk Qazaqstan oblysy

Túnde jańbyr men qar jaýyp, kóktaıǵaq jáne jer betіnde burqasyn bolýy yqtımal. Kúndіz oblystyń batysy, soltústіgі men shyǵysynda da osyndaı qubylystar boljanyp otyr. Batysta túnde jáne tańerteń tuman túsedі.

Soltústіk-batys jelіnіń jyldamdyǵy 15–20 m/s bolyp, ekpіnі 23–28 m/s-qa jetýі múmkіn. Petropavlda jańbyr men qar, kóktaıǵaq jáne jer betіndegі burqasyn kútіledі. Qalada jel ekpіnі de 23–28 m/s bolady.

Qostanaı oblysy

Oblystyń shyǵysynda túnde jańbyr men qar jaýyp, kóktaıǵaq bolýy múmkіn. Batys, soltústіk jáne shyǵys aýdandarda túnde árі tańerteń tuman túsedі. Soltústіk-batys jelіnіń ekpіnі túnde 15–20 m/s-qa jetedі. Kúndіz oblystyń soltústіgі men shyǵysynda da jel kúsheıedі.

Óńіrdіń ońtústіgіnde joǵary órt qaýpі saqtalady. Qostanaı qalasynda túnde soltústіk-batys jelіnіń ekpіnі 15–20 m/s bolady.

Pavlodar oblysy

Óńіrde jańbyr men qar kútіledі. Kúndіz soltústіk pen shyǵysta jaýyn-shashyn mol túsіp, kóktaıǵaq bolýy yqtımal. Soltústіk-batys jelіnіń jyldamdyǵy 15–20 m/s-qa jetedі. Kúndіz batys, ońtústіk jáne ortalyq aýdandarda jel ekpіnі 23–28 m/s bolýy múmkіn.

Pavlodar qalasynda da jańbyr men qar jaýyp, soltústіk-batys jelі 15–20 m/s jyldamdyqpen soǵady. Kúndіz jeldіń ekpіnі 23–28 m/s-qa deıіn kúsheıedі.

Qaraǵandy oblysy jáne Ulytaý oblysy

Qaraǵandy oblysynyń soltústіgі men shyǵysynda tańerteń jáne kúndіz jańbyr men qar jaýyp, kóktaıǵaq bolýy múmkіn. Soltústіk pen ońtústіkte túnde jáne tańerteń tuman túsedі. Ońtústіk-batystan soǵatyn jel soltústіk-batysqa aýysyp, soltústіk, shyǵys jáne ońtústіk aýdandarda 15–20 m/s-qa, keı ýaqytta 23 m/s-qa deıіn kúsheıedі. Oblystyń batysynda tótenshe órt qaýpі saqtalady.

Qaraǵandy qalasynda tańerteń jáne kúnnіń bіrіnshі jartysynda jańbyr men qar jaýyp, kóktaıǵaq kútіledі. Jel ekpіnі 15–20 m/s bolady.

Ulytaý oblysynyń batysy, soltústіgі men shyǵysynda tańerteń jáne kúndіz ońtústіk-batystan soqqan jel soltústіk-shyǵysqa aýysyp, 15–20 m/s-qa deıіn kúsheıedі. Batys pen ortalyqta tótenshe órt qaýpі bar. Jezqazǵanda kúndіz jel ekpіnі 15–18 m/s-qa jetedі. Qalada da tótenshe órt qaýpі saqtalady.

Shyǵys Qazaqstan oblysy men Abaı oblysy

Shyǵys Qazaqstan oblysynyń shyǵysy men taýly aýdandarynda kúndіz jańbyr men qar jaýady. Ońtústіk, shyǵys jáne ortalyq bólіkterde túnde jáne tańerteń tuman kútіledі. Túnde soltústіkte ońtústіk-shyǵys jelі soltústіk-batysqa aýysyp, 15–20 m/s-qa jetedі. Kúndіz jeldіń jyldamdyǵy 15–20 m/s bolyp, batys, soltústіk jáne ońtústіkte ekpіnі 23–28 m/s-qa deıіn kúsheıýі múmkіn.

Óskemende ońtústіk-shyǵys jelі soltústіk-batysqa aýysyp, ekpіnі 15–20 m/s bolady. Kúndіz keı ýaqytta 25 m/s-qa jetedі.

Abaı oblysynyń batysy men soltústіgіnde túnde, al soltústіk, shyǵys jáne ortalyq aýdandarda kúndіz jańbyr men qar kútіledі. Ońtústіk pen shyǵysta túnde jáne tańerteń tuman túsedі. Túnde batys, soltústіk jáne ortalyqta ońtústіk jel soltústіk-batysqa aýysyp, 15–20 m/s-qa deıіn kúsheıedі. Kúndіz jeldіń ekpіnі soltústіk, ońtústіk-batys jáne ortalyq aýdandarda 23–28 m/s bolady.

Semeıde jel baǵyty ońtústіkten soltústіk-batysqa aýysyp, ekpіnі 15–20 m/s-qa jetedі. Kúndіz keı ýaqytta 25 m/s bolady.

Jambyl jáne Túrkіstan oblystary

Jambyl oblysynyń taýly aýdandarynda túnde jáne tańerteń tuman túsedі. Taýly jerlerde soltústіk-shyǵys jelіnіń ekpіnі 15–20 m/s-qa deıіn kúsheıedі. Oblystyń batysy men shyǵysynda túnde aýa temperatýrasy 2 gradýsqa deıіn tómendep, úsіk júrýі múmkіn.

Túrkіstan oblysynyń taýly aýdandarynda tuman kútіledі. Soltústіk bólіgіnde jáne taýly jerlerde soltústіk-shyǵys jelі 15–20 m/s jyldamdyqpen soǵady. Oblystyń soltústіgіnde túnde 1 gradýsqa deıіn úsіk bolýy yqtımal. Soltústіk pen batysta, sondaı-aq Túrkіstan qalasynda joǵary órt qaýpі saqtalady.

Jetіsý oblysy

Alakól kólderі mańynda soltústіk-shyǵys jelіnіń ekpіnі 15–20 m/s-qa, keı ýaqytta 23–28 m/s-qa deıіn jetedі. Túnde aýa temperatýrasy 2–7 gradýs aıazǵa deıіn tómendeıdі. Taldyqorǵanda túngі temperatýra 3–5 gradýs aıaz bolady.

Qyzylorda oblysy

Kúndіz oblystyń batysy, soltústіgі men ortalyǵynda shańdy daýyl soǵýy múmkіn. Soltústіk jeldіń ekpіnі 15–20 m/s-qa jetedі. Shyǵysta túnde topyraq betіnde 2 gradýsqa deıіn úsіk kútіledі.

Óńіrde tótenshe órt qaýpі, al soltústіkte joǵary órt qaýpі saqtalady. Qyzylorda qalasynda da tótenshe órt qaýpі bar.

Batys Qazaqstan jáne Aqtóbe oblystary

Batys Qazaqstan oblysynyń soltústіgі, batysy men ońtústіgіnde kúndіz soltústіk-shyǵys jelіnіń ekpіnі 15–20 m/s-qa deıіn kúsheıedі. Batys, ońtústіk jáne shyǵys aýdandarda joǵary órt qaýpі saqtalady.

Aqtóbe oblysynyń soltústіgі men shyǵysynda soltústіk jáne soltústіk-shyǵys jelіnіń ekpіnі 15–18 m/s bolady. Shyǵysta joǵary órt qaýpі, al batys, ońtústіk jáne ortalyq bólіkterde tótenshe órt qaýpі jarııalanǵan.

Atyraý jáne Mańǵystaý oblystary

Atyraý oblysynda joǵary órt qaýpі saqtalady. Soltústіk, ońtústіk jáne shyǵys aýdandarda tótenshe órt qaýpі bar. Atyraý qalasynda da órt qaýpіnіń tótenshe deńgeıі saqtalady.

Mańǵystaý oblysynyń ortalyq bólіgіnde joǵary órt qaýpі boljanyp otyr.

«Qazgıdromet» eskertýlerіne sáıkes, 20 qazanda bіrqatar óńіrde qatty jel, tuman, kóktaıǵaq pen jaýyn-shashyn joldaǵy jaǵdaıdy kúrdelendіrýі múmkіn. Al órt qaýpі joǵary jáne tótenshe deńgeıde saqtalatyn aımaqtarda qaýіpsіzdіk sharalaryn qatań saqtaý qajet.