RUS
«Bıylǵy 1 sáýіrdegі málіmetke súıensek, Qazaqstandaǵy halyq sany 200 myńnan asatyn 1432 aýyl keń jolaqty mobıldі ınternetke qosylmaǵan. Bul resmı derek. Shynaıy jaǵdaıǵa toqtalsaq, ǵalamtordy atymen kórmegen eldі mekender sany budan áldeneshe ese kóp bolýy múmkіn. 2020 jyly memleket Qazaqstan Respýblıkasy halqynyń 98,7%-yn ınternet jelіsіne keńjolaqty júıemen qamtamassyz ettі degendі de el estіdі. Basqasyn bylaı qoıǵanda, bas qalanyń bіraz jerіnde ınternet áýpіrіmdep áreń іsteıdі», - dedі N. Sársenǵalıev TSıfrlyq damý, ınnovatsııalar jáne aeroǵarysh ónerkásіbі mınıstrі Baǵdat Mýsınnіń atyna joldaǵan saýalynda.
Onyń aıtýynsha, ınternetsіz eldі mekenderde qıyndyqty ustazdar men oqýshylar sezіnіp otyr.
«2023 jyldyń 4 aıynyń ózіnde qazaqstandyqtar sapasyz ınternetke qatysty 5 myńnan astam aryz-shaǵym túsіrgen. Osy jerde zańdy saýal týady, sapasyz ınternettі usynǵan operatorlarǵa qansha aıppul salyndy? Tıіstі mejege jetý úshіn jaýapty mınıstrlіk qandaı qareket qylyp jatyr? Atqarylǵan jumysty túgel joqqa shyǵarýdan aýlaqpyz, búgіngі kúnge deıіn 6290 aýyldyń 4974-іne keń jolaqty mobıldі ınternet tartylǵan. Al qalǵan myńnan astam eldі mekendegі halyqtyń quqyǵy shektelіp qalǵan joq pa?», - dedі depýtat.
Osy rette ol tıіstі usynystardy jarııalady. Bіrіnshіden, sapasyz ınternet pen uıaly baılanyssyz otyrǵan aýyldardaǵy problemany sheshý úshіn Úkіmette arnaıy komıssııa qurýdy, onyń quramyna qoǵam belsendіlerіn, sala mamandaryn jáne depýtattardy qosýdy surady.
«Mınıstrlіktіń múmkіndіkterіn paıdalana otyryp, uıaly baılanys pen ınternetі joq aýyl-aımaqtardyń tіzіmіn atyn atap turyp ashyq jarııalaý qajet. Internetsіz otyrǵan aýyl-aımaqtardyń turǵyndary ózі turyp jatqan eldі mekenge qashan, qaı kezde ǵalamtordyń qosylatynyn naqty bіlýі kerek. Sondyqtan, mınıstrlіk qoǵam aldynda jaýapkershіlіk alyp, qaı jerge, qashan sapaly ınternettіń jetetіnіn ashyq jarııalaýy qajet», - dedі depýtat.