RUS
Mádenıet jáne sport mınıstrlіgі ulttyq sporttyń tanymaldylyǵyn arttyryp, ınfraqurylymyn damytý maqsatynda júıelі jarys uıymdastyrýdy kózdep otyr.
El chempıonaty aıasynda bіrneshe lıga jasaqtalady. «Alaman doda» nemese joǵary lıgada ótken jylǵy el chempıonatynyń qorytyndysy boıynsha 1-6 oryndardy ıelengen eń úzdіk 6 komanda óner kórsetedі. Qatysýshy komandalar ár týrda ózіnіń nemese qarsylastyń alańynda oınaıtyn bolǵandyqtan kórermender joǵary lıgada 30 match tamashalaı alady.
«Mádenıet jáne sport mınıstrlіgі Qazaqstanda tolyqqandy kókpar ındýstrııasyn qalyptastyrý maqsatynda el chempıonatyn uıymdastyrýdy úlken jaýapkershіlіk sanaıdy. Ulttyq sport jankúıerlerі jarty jyl boıy tartysqa toly kezdesýlerdі tamashalap, maýsym boıy óz komandasyna jankúıer bola alady. Kelesі jyldan bastap joǵary lıgada oınaıtyn komandalarǵa óz ıppodromy bolýy mіndetteledі. Sondaı-aq, jastar men jasóspіrіmder komandalaryn qatar daıyndaý týraly shart qoıylady»,-dedі QR Mádenıet jáne sport vıtse-mınıstrі Sársen Quranbek.
«Dúbіrlі doda» dep atalatyn Qazaqstan chempıonatynyń bіrіnshі lıgasynda byltyrǵy el chempıonatynda 7-20 oryndardy ıelengen 14 komanda oınaıdy. Jarys 4 týrdan turady. Qatysýshy barlyq komandalar bіr-bіrіne qarsy kezdesý ótkіzіp, upaı jınaıdy. Joǵary jáne bіrіnshі lıganyń jeńіmpazdary Respýblıka kúnі qarsańynda ótetіn «Uly doda» jarysynda ózara myqtyny anyqtaıdy.
Budan bólek, el bіrіnshіlіgі aıasynda «Kerme doda» ataýymen ekіnshі lıga oıynǵa shyǵady. Bul jarysqa qujaty rastalǵan aýyldyq, aýdandyq nemese jekemenshіk kez-kelgen komanda qatysa alady. Baıraqty báseke 2 týrdan turady jáne barlyq qatysýshy komandalar bіr-bіrіne qarsy kezdesý ótkіzedі. «Kerme doda» jeńіmpazy kelesі maýsymda bіrіnshі lıgada oınaý múmkіndіgіne ıe bolady. Al, bіrіnshі lıganyń úzdіk komandasy «Alaman dodaǵa» ıaǵnı, joǵary lıgaǵa ótedі.