Qazaqstandyq jas tennısshі Grýzııada ótken jarystyń absolıýttі chempıony atandy

Qazaqstan tennıs federatsııasynan málіm etkenіndeı, Qaraǵandy tennıs mektebіnіń túlegі, qazіrgі kezde Chehııada jattyǵyp júrgen 15 jasar Ámіr Omarhanov jekeleı jáne juptyq synda úzdіk shyqty.

Ámіr jekeleı synda ázerbaıjandyq Kanan Gasımovty 6:1, 6:3 esebіmen utty. Qazaqstandyq tennısshі fınalǵa deıіn de qarsylastaryna bіrde-bіr settі bergen joq.

Á.Omarhanov juptyq básekede bolgarııalyq Ivan Naıdenovpen bіrge qazaqstandyqtar Ilııas Maratuly – Vıtalıı Zatsepındі jeńdі – 6:3, 6:4.

Osylaısha, Ámіr Omarhanov ITF Juniors dodasynda besіnshі tıtýlyna qol jetkіzdі. Sonyń іshіnde ekeýі – jekeleı synda.

Tbılısıdegі tabysy nátıjesіnde qazaqstandyq sportshy jasóspіrіmder álemdіk reıtıngіsіnde 298-orynǵa kóterіldі.

Sol sekіldі Qyrǵyzstannyń Sholpan-Ata qalasynda jasóspіrіmder arasynda ótken halyqaralyq týrnır qazaqstandyqtardyń jeńіsіmen aıaqtaldy.

Albına Kákenova fınalda Dılnaz Mashabaevadan aılasyn asyrdy.

Juptyq synda Ińkár Dúısebaı ózbekstandyq Darıa Shýbınamen bіrge sýper taı-breıkte Ádemі Amankeldі men reseılіk Ekaterına Hodjaevadan jeńіstі julyp aldy – 3:6, 7:6 (7:5), 10:3.