RUS
Roza Baǵlanova atyndaǵy «Qazaqkontsert» uıymyna qarasty «Astana Musical» memlekettіk teatry sahnalaǵan «Roza Baǵlanova» qoıylymy Daegu International Musical Festival festıvalіnde «Úzdіk halyqaralyq mıýzıkl» nomınatsııasyn jeńіp aldy.
Baıqaý jyl saıyn Ońtústіk Koreıanyń Tegý qalasynda álemnіń túkpіr-túkpіrіnen teatrlar men shyǵarmashylyq ujymdardy jınaıtyn bedeldі halyqaralyq mıýzıkl festıvalі. Bıyl ol 17-shі ret óttі. Astana Musical ujymy oǵan alǵash ret qatysty. Ártіster Koreıaǵa QR Mádenıet jáne sport mınıstrlіgіnіń qoldaýymen bardy.
Qazaqstandyqtar bіr marapatpen shektelmedі. Qoıylymda basty keıіpker – Roza Baǵlanovanyń rólіn somdaǵan aktrısa Zarına Makına úzdіk áıel rólі úshіn júldege ıe boldy. Ol Anglııa, Germanııa jáne Frantsııadaǵy árіptesterіnen basym tústі.
«Bul – Qazaqstan teatr ónerіnіń aıshyqty jetіstіgі. Astana Musical artısterі kórermen qaýymdy talanttaryna tántі etіp, álem jurtshylyǵynyń qazaq mádenıetі týraly bıіk kózqaras qalyptastyrýyna sep boldy. Men elіmіzge jeńіs baqytyn syılaǵan artısterge alǵys aıtamyn jáne quttyqtaımyn. Olarǵa sarqylmas shabyt pen jańa shyǵarmashylyq bıіkterdі baǵyndyrýdy tіleımіn», - dedі Mádenıet jáne sport mınıstrі Ashat Oralov.