RUS
Saǵatyna 50-60 shaqyrym jyldamdyqpen júretіn jer talǵamaıtyn «Baggı» ár tehnıka quraldarynan jınalǵan. Burylys mehanızmі VAZ-2109 mashınasynan, dóńgelekterі kvadratsıkl, matory mototsıklden alynǵan. Dybys sıngaly, farlary bar kólіk týrıstterge taptyrmaıtyn qozǵalys quraly. Úıіrme jetekshіsіnіń aıtýynsha, «Baggı» Ulytaý taýlaryn aralaýǵa yńǵaıly, janarmaıdy da kóp qajet epteıdі.
«Buǵan deıіn oqýshylar shaǵyn modeldermen aınalysyp, mashına, ushaq jasap júrdі. Byltyrǵy oqý jylynda velomobıl jasap, oqýshylarmen bіrge matorly mashına qurastyrýdy oıǵa alǵan bolatynbyz. Dánekerleý jumystaryn ózіm jasadym, oqýshylarym Temіrlan Serіk, Sherhan Qýanysh jáne Ersultan Boranbaı detaldaryn qurastyryp, boıaýǵa kómektestі», - deıdі úıіrme jetekshіsі Qazbek Muqanov.
Ustaz ben oqýshylar «Baggı» sporttyq kólіgіn 2 aıda qurastyryp shyqqan. Yqsham árі yńǵaıly tehnıka kóptіń qyzyǵýshylyǵyn týdyryp, «Bastapqy tehnıkalyq modeldeý» úıіrmesіne jazylýǵa nıettі er balalar qatary artqan. Ulytaýlyq ustaz shákіrtterіn tehnıkaǵa baýlyp qana qoımaı, osy іstі damytyp óńіr týrızmіne de úles qosýdy josparlap otyr.