RUS
Sot Qaırat Boranbaevqa, Roman Nahanovqa jáne Taıyr Januzaqqa qatysty 2023 jyly 31 naýryzda shyqqan sot úkіmnіń kúshіn joıdy. Oǵan sebep - "QazTransGaz" AQ usynǵan gaz baǵasy týraly Reseı tarapyndaǵy bastapqy derekterdіń bolmaýy.
Baǵadaǵy aıyrma gaz baǵasyn kóterý túrіndegі qylmys retіnde qarastyryldy.
Alaıda, bul hattamanyń túpnusqasy joq ekendіgі naqtylanady. Sot alqasy "QazTransGaz" qyzmetkerlerіnіń hat-habarlarynan alynǵan elektrondyq kóshіrmenі túpnusqanyń bolmaýyna baılanysty jetkіlіktі dálel retіnde sanamady.
"Kóshіrmenіń 18-tarmaǵynda Qazaqstanǵa 1 myń tekshe metr reseılіk tabıǵı gazdy 145 AQSh dollar baǵasymen qosymsha jetkіzý jaıy qamtylǵan. Sotta zerttelgen 17 tarmaqtan turatyn 12.07.2019 jylǵy otyrys hattamasynyń túpnusqasynda bul arasy joq. Sot úkіmіnde bul qujattardyń túpkі kózderі anyqtalmaǵan, ıaǵnı 18 tarmaqtan turatyn hattamanyń kóshіrmesі qaıdan alynǵany, kórsetіlgen hattama nege oryndaýǵa baǵyttalmaǵany, osy tarmaq sheshіmnіń sońǵy nusqasyna nege enbeı qalǵany kórsetіlmegen. Osylaısha, sot úkіmі qylmystyq іs júrgіzý zańyn buza otyryp sheshіldі, sottyń aıyptaý qorytyndylary boljamdarǵa negіzdelgen, qujattardyń túpnusqalary bolmaǵan, kóshіrmelerge súıengen, olardyń durystyǵy men shynaıylyǵy kúmán týdyrady, jol berіlmeıtіn 7 dáleldemeler paıdalanyldy jáne taldanbaǵan, shynaıylyǵy tekserіlmegen jáne basqa obektıvtі dáleldemelermen rastalmaǵan dáleldemeler paıdalanyldy".
Sot hattamasynda alaıaqtyq shemasyn dáleldeıtіn dálelder joq delіngen.
"Kúmándі hattamada gazdy Reseı terrıtorııasynan Qazaqstannyń Qytaımen shektesken shekarasyna deıіn tasymaldaý baǵasy engіzіlgenі týraly eshqandaı dálel joq, gaz tranzıtі úshіn shamamen 57 dollardy kіm tóleıtіnі de belgіsіz. "Azııa Gazchýndja" jetkіzýshіsіnіń táýekelderіne súıene otyryp, kerіsіnshe, QazTransGaz shamamen 130 mln dollar tabys tapqan. Nesonov, Súleımanov jáne Muhamedjanov kýálіk ete otyryp, bul mámіlenіń tıіmdіlіgіn rastady".
Mundaı jaǵdaılarda sot úkіmіnіń kúshі joıýǵa jatady, al qylmystyq іs alqaly quramdaǵy bіrіnshі satydaǵy sottyń qaǵıdalary boıynsha apellıatsııalyq satydaǵy sottyń qaraýyna jatady.
Boranbaev pen Nahanovty qamaýda ustaý túrіndegі bultartpaý sharasy ózgerіssіz qaldy, al úıqamaqtaǵy Januzaq dereý sot zalynda qamaýǵa alyndy.
2022 jyly 26 jeltoqsanda Qarjylyq monıtorıngі agenttіgі aıyptaý boıynsha qozǵalǵan qylmystyq іstі tergeýdі aıaqtady. Aıyptalýshylar suıytylǵan munaı gazyn satyp alý jáne qylmystyq jolmen alynǵan aqshalaı qarajatty zańdastyrý kezіnde 14,5 mlrd teńge jymqyrdy degen kúdіkpen ustaldy.
Atalǵan іs boıynsha sot protsesі Astanada 30 jeltoqsanda bastaldy.
Qaırat Boranbaev pen "Azııa Gazchýndja" JShS-nіń negіzіn qalaýshylardyń bіrі Roman Nahanovqa senіp tapsyrylǵan bótennіń múllkіn jymqyrý jáne ıelený, zańsyz aqsha men múlіktі zańdastyrý jáne qylmystarǵa járdemdesý boıynsha aıyp taǵyldy.
2023 jyly 14 naýryzda sot aıyptaý aktіsіn ózgertýge qosymsha ýaqyt bólýdі suraǵan memlekettіk aıyptaýshynyń ótіnіshі boıynsha Qaırat Boranbaev іsіne qatysty taraptardyń jaryssózderіn keıіnge qaldyrdy.
28 naýryzda prokýror Qaırat Boranbaevqa múlkіn tárkіleı otyryp, segіz jylǵa bas bostandyǵynan aıyrýdy surady.
Astana qalasynyń № 2 Saryarqa sotynda 31 naýryzda "Azııa Gazchýndja" JShS quryltaıshylary Boranbaev pen Nahanovqa, sondaı-aq "Qazaq Gaz" AQ Basqarma tóraǵasynyń burynǵy orynbasary Taıyr Januzaqqa segіz jylǵa bas bostandyǵynan aıyrý jazasy taǵaıyndaldy.