RUS
Jyl basynan berі soltústіk qazaqstandyq polıtsııa qyzmetkerlerі kórshіles elderdіń suraýy boıynsha qylmys jasady degen kúdіkke іlіngen 20 adamdy anyqtaǵan. Vedomstvonyń habarlaýynsha, negіzіnen, reseılіk árіptestermen yntymaqtastyq júrgіzіlіp jatqanǵa uqsaıdy.
Sondaı-aq kezektі júrgіzіlgen jumystardyń bіrіnde Armenııa aýmaǵynda alaıaqtyq jasaýǵa qatysy bar kúdіktі anyqtalǵan. Aıta ketý kerek, alaıaqtyq derekterі urlyq, jol-kólіk oqıǵalarymen bіrge kórshі elderdіń saqshylary jіberetіn suraýlarǵa jıі negіz bolady.
Budan bólek, kúzetpen qamaýda ustaý týraly bultartpaý sharasy tańdalǵan taǵy ekі adam ustalǵan. Olardyń bіreýі Ózbekstanǵa ekstradıtsııalandy. Ol qaraqshylyq jasaǵany úshіn іzdeýde bolǵan. Ekіnshі adamdy sot úkіmі kútіp tur, ol Reseı Federatsııasynyń Omby oblysynda alaıaqtyq jasady degen kúdіkpen іzdestіrіlgen. Sondaı-aq reseılіk árіptestermen bіrlesіp júrgіzgen jumystar nátıjesіnde Hanty-Mansıısk avtonomdy okrýgіnіń jáne Sankt-Peterbýrg qalasynyń aýmaǵynda 59 jáne 49 jastaǵy SQO turǵyndary ustalǵan. Bіrіnshіsіn densaýlyqqa qasaqana aýyr zııan keltіrgenі úshіn Maǵjan Jumabaev aýdanynyń polıtseılerі, ekіnshіsіn aýyr urlyq jasaǵany úshіn Petropavl polıtseılerі іzdestіrgen.
Atalǵan faktylerge qatysty SQO PD krımınaldyq polıtsııa basqarmasynyń bastyǵy Marat Jumalıev pіkіr bіldіrdі.
- Memleketterdіń іshkі іster organdarynyń tyǵyz qarym-qatynasy polıtsııa jumysynyń tıіmdіlіgіn arttyrady jáne jasalǵan qylmystar úshіn jazadan bultartpaý qaǵıdatyn іske asyrýǵa yqpal etedі, – deıdі vedomstvo ókіlі.