Qazposhtanyń Pavlodardaǵy fılıaly dırektorynyń orynbasary para alǵany úshіn sottaldy
Pavlodar qalasynyń qylmystyq іster boıynsha №2 soty «Qazposhta» AQ oblystyq fılıaly dırektorynyń orynbasaryna qatysty úkіm shyǵardy. Ol іrі kólemde para alǵany (QK 366-baby, 2-bólіmі) úshіn aıypty dep tanyldy, dep habarlaıdy smartnews.kz saıty sottyń baspasóz qyzmetіne sіlteme jasap.
Bıyl qańtarda «Qazposhta» AQ Pavlodar oblystyq fılıaly dırektorynyń óndіrіs boıynsha orynbasary J. zańsyz baıý maqsatynda merdіger kompanııa ókіlіne «Qazposhta» AQ FPB avtokólіk basqarmasynyń aýmaǵynda avtomobıl boksynyń shatyryn jóndeý jumysyn kedergіsіz qabyldaý úshіn aqshalaı syıaqy berýdі usynǵan. Sodan keıіn J. 2 000 000 teńge para alyp jatqan jerіnen ustaldy.
Prokýror J.-ny 4 jyl 6 aı bas bostandyǵynan aıyrýdy surady. Qorǵaýshy jeńіldetetіn jaǵdaılardy eskerýdі ótіndі. Sottalýshy kіnásіn moıyndaǵan joq, aqtaýdy surady.
Zańda qylmysty aıyppul nemese bas bostandyǵynan aıyrý syndy jazanyń balama túrlerіmen óteý de qarastyrylǵan.
Kіnásіn jeńіldetetіn jaǵdaılardy eskerіp, aýyrlatatyn jaǵdaılardyń bolmaýyna, kіshkentaı balalary bar ekenіn, 3 toptaǵy múgedektіgіn, qylmystyq quqyqbuzýshylyqpen bіrіnshі ret aıyptalǵanyn eskere otyryp sot J.-ny 3 jylǵa bas bostandyǵynan aıyrdy. Ol jazasyn qylmystyq-atqarý júıesіnіń qaýіpsіzdіgі ortasha mekemesіnde óteıdі.
Sonymen qatar J. ómіr boıy memlekettіk qyzmet, sot, jergіlіktі ózіn-ózі basqarý mekemelerі jáne t.b. qyzmet іsteý quqynan aıyryldy.
Úkіm zańdy kúshіne engen joq.