RUS
Qoldanystaǵy tártіpke sáıkes memleket kіrіsіne aınaldyrylǵan múlіk bіrіnshі kezekte memlekettіk zańdy tulǵalarǵa, olardyń teńgerіmіne bekіtý úshіn usynylady.
Memlekettіk organdardyń múlіktіń qajettіlіgі týraly ótіnіshіn komıtettіń aýmaqtyq bólіmshelerі zerdelep, sol múlіkke qajettіlіk jáne óndіrіstіk qajettіlіk bolǵan kezde múlіktі beredі, sóıtіp memlekettіk zańdy tulǵalardyń teńgerіmіne bekіtedі.
Bul norma memlekettіk zańdy tulǵalardyń materıaldyq-tehnıkalyq bazasyn, onyń іshіnde avtomashına parkіn (qyzmettіk, kezekshі, arnaıy) jańartý úshіn bıýdjet qarajatyn únemdeý maqsatynda kózdelgen.
Memlekettіk zańdy tulǵalar ótіnіsh bermese nemese múlіktі memleket menshіgіne berý ekonomıkalyq orynsyz bolsa ol saýda-sattyqqa shyǵarylady.
Sonymen qatar, qazіrgі ýaqytta buqaralyq aqparat quraldarynda jáne áleýmettіk jelіlerde tárkіlengen múlіktі (mysaly qymbat kólіkter, qolsaǵat, t.b.) memlekettіk zańdy tulǵalardyń teńgerіmіne berý máselesі jıі kóterіlіp júr.
Osyǵan baılanysty Qarjy mınıstrlіgі normatıvtіk-quqyqtyq aktіlerge tıіstі túzetýler engіzýdі kózdeıtіn buıryqtyń jobasyn ázіrledі (Qazaqstan Respýblıkasy Qarjy mınıstrіnіń 2015 jylǵy 30 naýryzdaǵy № 227 buıryǵymen bekіtіlgen múlіktі tárkіleý bólіgіnde qylmystyq іs boıynsha sot úkіmі negіzіnde ne múlіktі memleketke berý týraly sheshіm negіzіnde tyıym salynǵan múlіktі ótkіzý nemese paıdalaný qaǵıdalary).
Qazіrgі ýaqytta NQA jobasy múddelі memlekettіk organdarmen kelіsіlіp jatyr.
Jaqyn arada atalǵan buıryq qabyldanǵannan keıіn memlekettіk zańdy tulǵalardyń teńgerіmіne usynýǵa jatpaıtyn tárkіlengen múlіktіń tіzіlіmі bolady.
Bul tіzіlіmge engen tárkіlengen múlіk baǵalaýdan keıіn satýǵa qoıylady.
«Sonymen qatar ınternet júıesіnde E-Qazyna.kz portalyndaǵy elektrondy saýda alańynda júrgіzіletіn tárkіlengen múlіktі aýktsıonda satýǵa belsendі qatysýǵa shaqyramyz», - deıdі komıtetten.