Elde

Aqtóbede memlekettіk qyzmetker ETSQ kіltі arqyly ákіmnіń atynan bıýdjet mıllıondaryn jymqyrǵan

15.07.2023, 12:23

748

Ақтөбеде мемлекеттік қызметкер ЭЦҚ кілті арқылы әкімнің атынан бюджет миллиондарын жымқырған

smartnews.kz

Temіr aýdany Aqsaı aýyldyq ákіmdіgіnіń bas mamany alaıaqtyq jasaǵany úshіn sottaldy, dep habarlaıdy smartnews.kz saıty.

Kúdіktіde ákіmnіń atynan qol qoıý quqyǵy bolǵan. Sonymen qatar aýyl ákіmіnіń elektrondyq tsıfrlyq qoltańbasy da bar bolyp shyqty.

Ol 2020 jyldyń sáýіrіnen 2022 jyldyń jeltoqsanyna deıіn ákіmnіń ETSQ kіltі arqyly bıýdjet qarajatyn urlap, memleketke 14 mıllıon teńgeden astam shyǵyn keltіrgen.

Onyń 3 mıllıony aýyl ákіmdіgі qyzmetkerlerіnіń іssapar aqysy men jalaqysyn tóleýge dep alǵan. Ol serіktestіktermen jáne jeke kásіpkerlermen zańsyz kelіsіmshart jasap, mıllıondaǵan aqshany jymqyrǵan.

Temіr aýdandyq soty ony 4 jylǵa bas bostandyǵynan aıyryp, jazasyn ortasha rejımdegі kolonııada óte týraly úkіm shyǵaryp, urlaǵan qarajatty memleketke qaıtarýǵa mіndettedі.

#Aqtóbe oblysy #tergeý #sot