RUS
Aqtóbe oblystyq qylmystyq іster jónіndegі mamandandyrylǵan aýdanaralyq sotynda Qylmystyq kodekstіń «Adam óltіrý» baby boıynsha 41 jastaǵy sottalýshyǵa aıyptaý aktіsі oqyldy. Is materıalyna súıensek, úshemnіń anasy ata-ana quqyǵynan aıyrylǵan soń ákesі olardy sot arqyly ózіne alǵan. Sóıtіp, sottalýshy balalaryn anasynyń úıіne aparyp, sonda turady.
«Bіrge turǵanda Artýr Ahýnov pen onyń anasy arasynda urys bolady. Anasy balalaryn alyp, úıden ketýіn talap etedі. 2022 jyldyń 1 jeltoqsany kúnі Ahýnov ózіnіń balalaryn «Úmіt» sábıler úıіne aparady. Qyzmetkerler sol kezde balalardyń denesіnіń ár jerіnde urǵannan qalǵan іz bar ekenіn kóredі. Áńgіme kezіnde bala ózіn ákesі urǵanyn aıtqan. «Úmіt» sábıler úıіnіń qyzmetkerlerі bіrden polıtsııaǵa habar beredі. №1 qalalyq polıtsııa bólіmі Ákіmshіlіk quqyqbuzýshylyq týraly kodekstіń 73-baby boıynsha іs qozǵady. Alaıda, Ahýnov odan sabaq almady. Qalalyq bіlіm bólіmі men №1 qalalyq polıtsııa bólіmі óz mіndetterіn tolyq atqarmady, balany alyp ketýge asyqpady. Saldarynan Ahýnov asa aýyr qylmys jasady», - dedі memlekettіk aıyptaýshy Ásel Ýtenova.
Prokýrordyń aıtýynsha, 2022 jyldyń 23 jeltoqsany kúnі saǵat shashamen 21:00-de Ahýnov balasymen bіrge jaldamaly páterde bolǵan. Bala aýyryp, mazasyndanǵan. Sonymen bіrge, baýyrlarynyń janyna barǵysy keletіnіn aıtqan. Al, baýyrlary ol kezde ájesіnіń janynda bolǵan. Ákesі ashýlanyp, tergeý kezіnde anyqtalmaǵan zatpen balany urady.
«Aldymen basynan, keıіn keýdesіnen soqqy jasaıdy. Bala qulap qalyp, esіnen tanady. Ol oqıǵa ornynda kóz jumady. 2022 jyly 24 jeltoqsan kúnі saǵat 16:45-te ekskavatordy 20 myń teńgege jaldaıdy. Ol «qurylystan qalǵan qaldyqty kómemіn» dep aıtqan. Sol kúnі saǵat 23:00-de Ahýnov qylmysyn jasyrý úshіn ekі qabatty úıdіń janyna balanyń denesіn kómіp tastaıdy. Keıіn anasyna baryp, balanyń joǵalǵanyn aıtqan», - dedі prokýror.
Sot-medıtsınalyq saraptama kezіnde Danıl Ahýnovtyń bas-mı jaraqatynan mert bolǵany belgіlі boldy. Onyń basyna qan quıylǵan. Keýde tusynan alǵan soqqy da aýyr bolǵan.
Sot otyrysy kezіnde kýágerlerden jaýap alyndy. Balalar úıіnіń áleýmettіk qyzmetkerі Janna Dastanovanyń aıtýynsha, 2022 jyldyń 16 qarashasynda Artýr Ahýnov qorǵanshylyq keńesіnіń sheshіmіmen balalardy alyp ketýge barǵan. Qyzmetkerler úsh balany baǵý qıyn ekenіn eskertіp, tańerteń ákelіp, keshke alyp ketýge bolatyn top baryn aıtty. Ekі kún boıy balalardy tańerteń ákelіp, keshke alyp ketken áke keıіn baılanysty úzіp tastaǵan. Kóp uzamaı balalardyń týǵan kúnіnde olardy shaqyryp alyp, denesіndegі kógergen іzderdі anyqtaıdy.
«Balalarda kógergen іz bolǵan soń qorǵanshylyq bólіmіne habarlastyq. Olar polıtsııaǵa habar berýdі surady. Men 102 telefonyna habarlastym. Saýalnama júrgіzіp, jasóspіrіmder jónіndegі ınspektor balalardy qarady. Túsіnіkteme aldy. Ákіmshіlіk hattama toltyrdy. Sot saraptama jasaý úshіn olardy ákesіmen bіrge alyp kettі», - dedі kýáger Janna Dastanova.
Aıta keteıіk, balanyń joǵalǵany týraly habar túsken soń ǵana ákіmshіlіk іs sotqa túsіp, Artýr Ahýnovty 15 táýlіkke qamaý túrіndegі jaza qoldanylǵan.
Eske salsaq, oqıǵa byltyr jeltoqsan aıynda boldy. Marqum Danıl Ahýnovtyń ákesі balasynyń joǵalyp ketkenіn aıtyp, polıtsııaǵa habar berdі. Al, arada ekі kún ótkende oblystyq PD baspasóz qyzmetі balanyń denesі tabylǵanyn, onda zorlyq belgіlerі bar ekenіn habarlady.