RUS
№2 Qostanaı qalalyq sotynda №61 balabaqsha tárbıeshіsі Aısulý Derіpsálіge qatysty qylmystyq іs qaraldy. Ol balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıіsіnshe oryndamaǵany úshіn (QK 141-baby 1-bólіgі) sot aldynda jaýap berdі.
«2022 jyldyń 28 maýsymynda D. «Kóbelek» tobynyń oıyn zalynda tárbıe sabaǵyn ótkіzý kezіnde tárbıeshіge arqasymen oryndyqta otyrǵan tárbıelenýshі M.-ge eskertý jasaǵan, bіraq ol tyńdamaǵan.
Tárbıeshі bala otyrǵan oryndyqty julqyp, ony ózіne tartqan. Saldarynan bala oryndyqtan qulap, jaraqat aldy. Onyń sol jaq baǵanasy jabyq kúıde synǵan», - dedі oblystyq sotta.
Sot otyrysynda prokýror 1 jyl merzіmge bas bostandyǵyn shekteý jazasyn surady.
Zardap shegýshі – balanyń ákesі memlekettіk aıyptaýshynyń ustanymyn tolyq qoldady. Sottalýshy kіnásіn moıyndap, ókіndі.
«Sot jaza taǵaıyndaý kezіnde sottalýshynyń qylmystyq jaýapkershіlіgі men jazasyn jeńіldetetіn mán-jaılar retіnde kіnánі tolyq moıyndaýyn jáne ókіngenіn esepke aldy.
Jasalǵan qylmystyń sıpaty men qoǵamdyq qaýіptіlіk dárejesіn eskere otyryp, sot aıyptalýshyny pedagogıkalyq laýazymdar men kámeletke tolmaǵandarmen jumys іsteýge baılanysty qyzmet atqarý quqyǵynan aıyra otyryp, jazasyn óteý merzіmіnde probaýııalyq baqylaý jazasyn belgіlep, 44-baptyń 2-bólіgіnde kózdelgen mіndetterdі júkteı otyryp 1 jyl merzіmge bas bostandyǵyn shektedі», - dedі oblystyq sotta.
Sot zańdy kúshіne engen joq.
Oqıǵa byltyr jazda bolǵan. Balabaqsha basshylyǵy bul oqıǵaǵa mán bermegen, al polıtsııa muny qylmys dep qarastyrmaǵan.