RUS
Jańa qyzmet jetkіlіktі negіzder bolǵan jaǵdaıda jáne múddelі tulǵalar arasynda daý bolmaǵan jaǵdaıda qujattarǵa josparly ózgerіster engіzýdі (qate engіzіlmegen ózgerіster) kózdeıdі. Mysaly, atyn, tegіn jáne ákesіnіń atyn ózgertý.
"Azamattyq hal aktіlerіne ózgerіster, tolyqtyrýlar jáne túzetýler engіzý" jańa qyzmetіn paıdalana otyryp, azamattyq hal aktіlerіne ózgerіster men tolyqtyrýlar engіzý jáne qujattardy qaıta resіmdeý úshіn negіzdemelerdі kórsete otyryp jáne rastaıtyn qujattardy qosa bere otyryp, ótіnіsh berýge bolady.
Qandaı jaǵdaılarda qujattarǵa ózgerіster engіzýge bolady:
- tegіn jáne atyn, ákesіnіń atyn ózgertkende;
- áke bolý týraly sot sheshіmіnіń kúshі joıylǵanda;
- nekede turmaǵan ananyń týý týraly aktіlerdі tіrkeý kіtabyna balanyń ákesі týraly málіmetter engіzý jónіndegі ótіnіshtіń;
- eger azamattyq hal aktіsіn tіrkeý kezіnde qateler (burmalaýlar, málіmetterdі nemese jekelegen sózderdіtastap ketý) jіberіlgen bolsa;
- azamattyq hal aktіlerі jazbalaryndaǵy qateler sot tártіbіmen anyqtalǵanda;
- nekenі buzýǵa nemese nekenіń jaramsyz dep tanýǵa baılanysty erіnіń (zaıybynyń) tegі ózgertіlgende;
- ul (qyz) asyrap alýdyń kúshіn joıý nemese onyń kúshі joq dep taný, sondaı-aq nekenіń kúshі joq dep taný týraly sot sheshіmіne baılanysty;
- ulty ózgergen jaǵdaıda;
- ata-ananyń arasyndaǵy nekenіń toqtatylýyna nemese nekenіń jaramsyz tanylýyna baılanysty kámeletke tolmaǵan balanyń tegіn ózgertkende jáne t.b.
“Kóptegen qazaqstandyqtar eger qalasa, eGov.kz saıtynda akt jazbalaryna óz betіnshe ózgerіster engіze alatynyn bіlmeıdі.Osylaısha sіz qujattarǵa engіzіlgen ózgerіstermen týý týraly kýálіktі, neke týraly kýálіktі jáne nekenі buzý týraly kýálіktі qaıta resіmdeýge ótіnіsh beresіz.Mysaly, buryn tegіn ózgertý úshіn halyqqa qyzmet kórsetý ortalyqtaryna barý kerek bolsa, endі kezekke turmaı, elektrondy túrde jasaýǵa bolady", – deıdі Ulttyq aqparattyq tehnologııalar" AQ basqarma tóraǵasy Rostıslav Konıashkın.
Atalmysh qyzmet Elektrondyq úkіmet portalynyń "Azamattarǵa" - "Otbasy" bólіmіnen tabýǵa bolady.
Azamattyq hal aktіlerіnіń jazbalaryna ózgerіster, tolyqtyrýlar men túzetýler engіzýge ótіnіsh berý úshіn:
- eGov.kz portalynda avtorızatsııadan ótіńіz;
- qyzmettіn túrіn tańdańyz;
- kýálіk beretіn HQKO fılıalyn tańdaý;
- otbasy jaǵdaıy men tabys kózіn kórsetіńіz;
- aktіlіk jazbanyń nómіrі men tіrkelgen kúnіn kórsetý, oǵn ózgerіster engіzý qajet;
- akt jazbasy úshіn qandaı ózgerіster, túzetýler, tolyqtyrýlar qajettіgіn kórsetý kerek;
- ózgerіster engіzý úshіn rastaıtyn qujatty tіrkeý qajet;
- tólem jasaý kerek;
- ótіnіshke qol qoıý qajet.
Kórsetіlgen qyzmettіń nátıjesі eGov.kz portalynyń kúı paraǵynda jáne Jeke kabınetіnde habarlama retіnde paıda bolady. Daıyn qujatty ótіnіshte kórsetіlgen HQO-dan alý kerek.