RUS
Midas 3D jáne Plaxis 3D úlgіdegі jańa baǵdarlamalyq ónіmderі kúrdelі geologııalyq jáne joǵary seısmıkalyq jaǵdaılarda geotehnıkalyq profılderdі (saraptamalyq modeldeýdі) zamanaýı deńgeıde oryndaýǵa múmkіndіk beredі. Geotehnıkalyq esepteýler jobalyq sheshіmderdі tekserý úshіn asa mańyzdy jáne kez kelgen jobadaǵy kemshіlіkterdі anyqtap, joıýǵa septіgіn tıgіzedі.
Indýstrııa jáne ınfraqurylymdyq damý mınıstrlіgіnіń málіmetіnshe, ınstıtýttyń zerthanalyq bazasynyń keńeıýі qoldanystaǵy, sondaı-aq jańa býyndaǵy aspaptarmen tolyǵýǵa múmkіndіk berdі. Úshostіk nyǵyzdaý ádіsі topyraqtyń fızıka-mehanıkalyq ólshemderіn naqty anyqtaýǵa arnalǵan tıіmdі tásіlderdіń bіrі. Bul arqyly salynǵan ǵımarattyń túbіndegі topyraqtyń qandaı kólemdegі salmaqqa shydas beretіnіn anyqtaýǵa bolady.
- Endі sarapshylarǵa temіrbeton qadalarynyń sapasyn synaýǵa, qurylysqa arnalǵan jerdі nyǵaıtýǵa, deformatsııa modýlіn baǵalap, topyraqtyń geofızıkalyq qasıetterіn zertteý boıynsha aýqymdy jumystardy oryndaýǵa jol ashylyp otyr. Sondaı-aq bul baǵdarlama elіmіzdіń qurylys normalarynda usynylǵan topyraqtyń neǵurlym qoldanbaly modelderіn tolyq qoldanýǵa jáne qurylystaǵy zamanaýı tásіlderge sáıkes jobalaýdy oryndaýǵa oń áser beretіnіn aıta keteıіk, - delіngen mınıstrlіktіń habarlamasynda.
Bul oraıda atalǵan ınstıtýt zerthanalyq jabdyqtardy jyl saıyn jańartyp kele jatqanyn aıta keteıіk. Máselen, QazQSǴZI mamandary Almatydaǵy qurylys nysandaryn zertteý barysynda joǵaryda atalǵan baǵdarlamalyq júıelerdі keńіnen qoldanyp keledі.