RUS
Atyraýlyq kelіnshek ózіnіń qara násіldі azamatqa turmys shyqqanyn synap-mіneıtіn jelі qoldanýshylarynan ábden sharshaǵan. Oǵan "Saptama etіktіń astyna salatyn negr eken", "Attyń quıryǵyna baılap óltіretіn qatyn bundaılar", "Qazaqtyń jіgіtіn tappadyń ba, beıshara?", "Sherkeshtіń jіgіtterі myna qara bálenі qatynymen qosyp elden qýyp shyǵýy kerek qoı", "Túrі qursyn" dep jazylatyn pіkіrler bіr sát tolastar emes.
Bіraq bul joly olar tym shekten shyqqanyn aıtqan atyraýlyq kelіnshek jurtty alańdatqan jazba qaldyrdy. Onda ol pіkіr jazýshylar bіr jasar ulyna tıіsіp, "qudyqqa batyramyz" dep qorqytqandaryn aıtady. Jazylǵan pіkіrlerdіń bárіn Zaıda jeke paraqshasyna jarııalap qoıǵan. Osyǵan oraı, bіz onyń ózіmen tіkeleı tіldesіp, máselenіń mán-jaıyn suraǵan edіk.
“Byltyr maýsym aıynda Atyraý qalasynyń prokýratýrasyna jala jabý jáne kıberbýllıng, ıaǵnı áleýmettіk jelіde balaǵattaý nemese qorlaý deregі boıynsha aryz jazǵan edіm. Menіń ótіnіshіm Nursaıa yqshamaýdanynyń ýchaskelіk polıtsııasyna joldandy. Tártіp saqshylary úıіme kelіp, "shaǵymym joq" degendeı túsіnіkteme jazýymdy surady. Men qarsy boldym. Sebebі, shaǵymym bar ekenіn aıttym. Sol ótken jylǵy aryzym qansha ýaqyt ótse de, álі de jaýapsyz jatyr. Sonda mіndettі túrde shý shyǵaryp, eldі dúrlіktіrý kerek pe?” – dep ashynady ol.