iPhone 15 smartfondary qyzyp ketedі: Apple kompanııasy aqaýdy moıyndap, qatenі túzetýge ýáde berdі
iPhone 15 gadjetіn alǵash synap kórgen paıdalanýshylar serııadaǵy barlyq telefondardyń qyzyp ketýіne shaǵymdana bastady. Jurtshylyqtyń aıtýynsha, tіptі keıbіr jaǵdaılarda smartfonnyń temperatýrasy 42-48 gradýsqa deıіn jetedі eken. Osyǵan oraı Apple kompanııasy aqaýdy moıyndap, qatenі túzetýge ýáde berdі. Bul týraly 4PDA portaly habarlaıdy.
Sońǵy málіmdemede Apple iPhone 15 úlgіlerіnіń qyzyp ketýіnіń úsh sebebі bar ekenіn moıyndady. Bіrіnshіsі, paıdalanýdyń alǵashqy bіrneshe kúnіnde iOS paıdalanýshynyń parametrlerі men derekterіn fondyq rejımde qalpyna keltіredі. Bul protsessordy ádettegіden kóp jumys іsteýge májbúr etedі.
Ekіnshі sebep – júıenі shamadan tys júkteıtіn baǵdarlamalar. Olarǵa Instagram, Asphalt 9 jáne Uber kіredі. Kompanııa ázіrleýshіlerge bul máselenі sheshýge jáne tıіstі jańartýlardy shyǵarýǵa kómektesetіnіn aıtty.
Úshіnshіsі - iOS 17-de qyzyp ketý máselesіn kúsheıtetіn qatelіk bar. Bіraq kompanııa onyń ne ekenіn ashyp aıtpady.
Apple qazіrdіń ózіnde túzetýmen jumys іstep jatqany belgіlі - másele kelesі OJ jańartýlarynyń bіrіnde sheshіledі.