RUS
Premer-Mınıstrdіń orynbasary jáne qarjy mınıstrі Erulan Jamaýbaev osy máselermen tіkeleı aınalysatyn arnaıy kompanııa qurylǵanyn aıtty.
"Shіlde aıynda zańsyz shyǵarylǵan aktıvterdі qaıtarý týraly zań qabyldandy. Osy zań aıasynda bіz jaqynda arnaıy kompanııa qurdyq. Ol osy protsesterdі qadaǵalap, basqarady. Qajet bolǵan jaǵdaıda bіz basqarýǵa beremіz nemese satamyz jáne aqshany arnaıy shotqa aýdaramyz", – dep jaýap berdі Jamaýbaev.
Mınıstr eger bul áreket osy zańnyń aıasyna jatpaıtyn bolsa, onda protsessýaldyq sheshіm qabyldanyp, bul múlіk memleket menshіgіne ótetіnіn aıtty. Sodan keıіn qarjy mınıstrlіgі de ony satyp nemese senіmgerlіk basqarýǵa beretіnіn mádіmdedі.
Sondaı-aq mınıstr atalǵan aktıvterdіń Ulttyq qorǵa nelіkten berіlmeıtіnіne qatysty túsіnіk berdі.
"Ulttyq qordyń ekі fýnktsııasy bar: únemdeý jáne turaqtandyrý. Qarjy Ulttyq qordan mańyzdy áleýmettіk-ekonomıkalyq jobalardy júzege asyrýǵa da bólіnedі. Al bul qarajat kapıtaldy qaıtarý týraly zań aıasynda da sheshýge paıdalanylady. Áleýmettіk-ekonomıkalyq máseleler, sondaı-aq ashyq túrde komıssııanyń sheshіmіmen "Esep palatasy" da teksere alady. Men bul jerde eshqandaı problema kórіp turǵan joqpyn. Bul aqshanyń elge oralýy jáne soǵan jumys іsteýі mańyzdy", – dep tolyqtyrdy ol.