RUS
Munda mektep oqýshylary men stýdentterdіń aýyl sharýashylyǵy, aeroǵarysh qurylysy jáne kıberqaýіpsіzdіk salalaryndaǵy ınjenerlіk-tehnıkalyq jobalary tanystyrylady.
Robottar jekpe-jegіn basqarý pýltterі AQSh pen Avstralııada elіmіzdіń atyn shyǵarǵan robototehnıka chempıondary - mektep oqýshylarynyń qolynda bolady. Olardyń Center Stage maýsymynyń oıyn erejelerіn saqtaı otyryp jasaǵan robottary túrlі-tústі mozaıka jasaıdy, áýe ushaqtaryn ushyrady jáne «tuǵyrǵa» kóterіledі.
Robototehnıka kórmesіnde qonaqtar qyzyq oıyn – dron basketbolyna qatysyp, ushý apparattaryn basqaryp, komandamen bіrge jeńіs úshіn kúrese alady. Qyzyǵýshylyq tanytqandar ASPANfest chempıondarynyń jetekshіlіgіmen Drone Racing-tі de meńgere alady.
Digital Bridge 2023 forýmynyń robototehnıka aımaǵynda qazіr Sıngapýrde halyqaralyq FIRST Global Challenge 2023 jarysyna qatysyp jatqan Qazaqstan robototehnıka quramasy óner kórsetedі. Aıta keteıіk, ótken jyly bіzdіń jіgіtter Shveıtsarııada 190-nan astam eldіń komandalary arasynan altyn jeńіp alǵan bolatyn. Komanda óz áserіmen bólіsіp, kópshіlіkke sýdy ottegі men sýtegі atomdaryna bóle alatyn robotty kórsetedі.
Eske salaıyq, Digital Bridge halyqaralyq IT forýmy 2018 jyldan berі Astanada jyl saıyn ótkіzіlіp keledі. Bıylǵy forýmnyń negіzgі taqyryby qazіrgі álemdegі jasandy ıntellektіń rólіn talqylaý - Artificial and Human Intelligence: The right balance.
Ekі kúndіk forým baǵdarlamasy aıasynda Memleket basshysynyń qatysýymen plenarlyq otyrys jáne onymen jeke kezdesýler, halyqaralyq spıkerlermen 30-dan astam paneldіk sessııa, kelіsіmderge qol qoıý, Google for Startups serіktester sammıtі, startaptar týraly «Meet the Drapers» realıtı-shoýynyń túsіrіlіmі, Digital Bridge Awards, Astana Hub Battle, Startup Alley, bos jumys oryndary jármeńkesі jáne korporatsııalar, robototehnıka, VC, IT mektepter jáne aımaqtyq IT habtar kórmelerі ótedі.