RUS
Astana Hub qyzmetі IT-bıznes úshіn ekojúıenі qurý jáne damytýǵa, IT mamandaryn daıarlaýǵa jáne startap jobalardy qoldaýǵa baǵyttalǵan. Búgіngі tańda tehnoparkte 1331 IT-kompanııa tіrkelgen, onyń іshіnde 372-sіnіń sheteldіk úlesі bar. Olarǵa bıznestі damytý jáne masshtabtaý baǵdarlamalaryn, arnaıy salyqtyq jáne vızalyq sharttardy, aqparattyq-bіlіm berýdі jáne materıaldyq ınfraqurylymdy qosa alǵanda, jan-jaqty qoldaý kórsetіledі.
«Astana Hub qurý bastamasy sonaý 2016 jyly paıda boldy. Qazaqstan jaһandyq tehnologııalyq transformatsııada belsendі ról atqarýy tıіs. Memleket basshysynyń 2026 jylǵa qaraı IT-eksport kólemіn 1 mıllıard dollarǵa deıіn ulǵaıtý jáne Qazaqstandy óńіrdegі jetekshі tsıfrlyq ortalyqtardyń bіrіne aınaldyrý mіndetіn qoıýy kezdeısoq emes. Bіzdіń barlyq bastamalarymyz, sonyń іshіnde Google for Startups jáne Draper University-men bіrlesken baǵdarlamalar, Kremnıı alqabyndaǵy IT-startaptarymyzǵa arnalǵan Silkroad Innovation Hub platformasyn іske qosýdy qoldaý, Digital Bridge jáne Digital Almaty IT-forýmdaryn ótkіzý, osy maqsatqa jetý jolyndaǵy qadamdarymyz. Árıne, bіzdіń barlyq іsіmіz TSıfrlyq damý mınıstrlіgіnіń jáne serіktesterіmіzdіń qoldaýymen júzege asyp jatyr», - dep atap óttі Astana Hub bas dırektory Maǵjan Mádıev.
Astana Hub venchýrlyq ınvestıtsııalardy tartý jáne álemdіk naryqqa shyǵýdy kózdeıtіn startaptardy qoldaýdy maqsat etken akseleratsııa jáne ınkýbatsııa baǵdarlamalaryn usynady. Mysaly, Google For Startups kompanııasymen bіrge júzege asyrylyp jatqan Silkway Accelerator baǵdarlamasyna qatysý úshіn 900-den astam ótіnіm tústі. Úsh lektіń nátıjesіnde 37 úzdіk joba akseleratsııa baǵdarlamasyn aıaqtady. Kompanııalardyń jalpy kapıtalızatsııasy 350 mıllıon dollardan, al aı saıynǵy kіrіsі 1 mıllıon dollardan asty. Baǵdarlamanyń barlyq kezeńіnde startap-jobalar jalpy alǵanda 7,5 mıllıon dollardan astam ınvestıtsııa tartyp, BAÁ, Túrkııa, AQSh jáne basqa naryqtarǵa shyqty. Startup Garage baǵdarlamasy damýdyń bastapqy kezeńderіnde jan-jaqty qoldaýdy usynady, al Scalerator qazaqstandyq startaptardyń jaһandyq bızneske shyǵýyna kómektesedі. Scalerator baǵdarlamasyn júzege asyrý barysynda qatysýshylar jalpy somasy 304 mıllıon teńgeden astam eksporttyq kelіsіmsharttar men kelіsіmder jasaldy.
Draper University-men serіktestіkte, Dúnıejúzіlіk banktіń qoldaýymen júzege asyrylatyn Hero Training akseleratory startaptarǵa Kremnıı alqabyna joldama alýǵa bіrden-bіr múmkіndіk beredі. Búgіngі tańda ınnovatsııalar oshaǵyna 27 startap jol tartty, aldaǵy ýaqytta Ortalyq Eýrazııadan jyl saıyn kemіnde 30 perspektıvalyq jobany jіberý josparda bar.
Astana Hub qatysýshylarynyń jobalary іshkі naryqta da, álemdіk naryqta da joǵary suranysqa ıe. Qazaqstandyq startaptar mıllıondaǵan paıdalanýshyny tartyp qana qoımaı, halyqaralyq deńgeıde tanymal bolyp jatyr. Mysaly, Citix aqparattyq-navıgatsııalyq júıesі Túrkııa men BAÁ naryǵyna shyqty. Beyne.ai bet-álpetіn taný jáne feık anyqtaý júıesі búkіl ekojúıenі qurýǵa jáne іrі kompanııalarmen ıntegratsııaǵa kóshtі. Alaqan bıometrııasyna negіzdelgen Alaqan óz ónіmіn túrіktіń 500 klınıkasyna engіzіp jatyr. SmarTestPrep Indonezııa, Vetnam jáne Latyn Amerıkasy naryǵyna jol tartyp, myńnan astam úmіtkerge jalpy kólemі $10 mıllıon shákіrtaqy alýǵa kómektestі. Droppy Taıaý Shyǵystaǵy, AQSh pen Latyn Amerıkasyndaǵy kommertsııalyq emes uıymdar jáne mınıstrlіk ókіlderіmen 120-ǵa jýyq ıteratsııa júrgіzіp, oıynyn Play Market jáne Apple Store dúkenderіne shyǵardy. iDos Games startapynyń 170 elden 300 myńnan astam tіrkelgen jáne belsendі paıdalanýshysy bar, bul onyń álemdіk oıyn ındýstrııasyndaǵy mańyzdy rólіn kórsetedі. Insýlt dıagnostıkasyn jasaý úshіn jasandy ıntellekt pen neıroradıologııaǵa negіzdelgen CerebraAI AQSh-tyń TechCrunch reıtıngі boıynsha úzdіk jaһandyq startaptar qataryna kіrdі. Bul elіmіzdі aqparattyq tehnologııalar salasynda álemdіk arenaǵa shyǵaryp jatqan keleshegі zor startaptar qatarynyń az ǵana bólіgі.
20 myńnan astam adam Tech Orda, Alem School, No Code/Low Code School, Startup School, Beta Career, Freelance School, IT-Aiel jáne t.b. bіlіm berý baǵdarlamalary aıasynda bіlіm aldy. Budan bólek, Astana Hub-ta jasandy ıntellekt negіzіndegі jobalardy ázіrleýge jáne masshtabtaýǵa baǵyttalǵan Blockchain, SpaceTech, 5G, GameDev, Defence Tech, OTS Digital Center jáne, árıne, AI-Center sııaqty ınnovatsııalyq ortalyqtar qyzmet etedі.
Jergіlіktі IT-qaýymdastyqtardy qurýǵa, IT talanttardyń turaqty aǵynyn qalyptastyryp, olardy Qazaqstannyń aımaqtarynda damytýǵa baǵyttalǵan óńіrlіk IT habtardy damytý Astana Hub qyzmetіnіń basym baǵyttarynyń bіrі bolyp tabylady. QR TSıfrlyq damý, ınnovatsııalar jáne aeroǵarysh ónerkásіbі mınıstrlіgіnіń bastamasymen, ákіmdіkter men jeke bıznestіń qoldaýymen elіmіzdіń 12 óńіrіnde IT-habtar ashyldy: Abai IT Valley (Semeı q.), Kyzylorda Hub (Qyzylorda q.), Digital Jetisu (Taldyqorǵan q.), Zhambyl Hub (Taraz q.), Oskemen IT Hub (Óskemen q.), Jaiq Hub (Oral q.), Turkistan IT Hub (Túrkіstan q.), Aqtobe IT Hub (Aqtóbe q.), Qostanai It Hub (Qostanaı q.), Aqmola IT Hub (Kókshetaý q.), Pavlodar Hub (Pavlodar q.), Terricon Valley (Qaraǵandy q.). Bıyl jyldyń sońyna deıіn Atyraý jáne Mańǵystaý oblystarynda taǵy ekі hab resmı túrde ashylady.
Astana Hub Pizza Pitch, Speaker Night, Startuphana jáne t.b. osy sııaqty túrlі sharalardy turaqty túrde ótkіzedі. Árıne, tehnopark jumysynda Ortalyq Azııadaǵy eń іrі IT-forým dárejesіne jetken Digital Bridge jyl saıynǵy halyqaralyq forýmynyń mańyzy erekshe. Bıyl jasandy ıntellekt taqyrybyna arnalǵan forým 30 myńnan astam qatysýshynyń, onyń іshіnde 30 elden delegatsııa, 300-den astam IT-kompanııa ókіlderі, 450 spıker, 100-den astam ınvestor men bıznes-perіshteler, sondaı-aq 150-den astam startaptyń basyn qosty.