Qatygezdіkpen óltіrgen: Italııada jas qyzdyń ólіmіnen soń narazylyq aktsııalary óttі

Italııada 22 jastaǵy stýdent qyzdy jіgіtі asqan qatygezdіkpen óltіrgen. Bul jaıt elde narazylyq aktsııalarynyń tolqynyn týdyrdy.

Euronews málіmetіnshe, oqıǵadan soń áıelderge qatysty turmystyq zorlyq-zombylyq máselesі qyzý talqylana bastady.

Nátıjesіnde Italııa Parlamentі jedel túrde áıelderdі qorǵaýdyń qosymsha sharalaryn qarastyratyn jańa zańdy maquldady.

Basylymnyń habarlaýynsha, Italııada jyl basynan berі turmystyq zorlyq-zombylyqtan 100-den astam áıel kóz jumǵan.

Jańa Eýropa gazetіnіń habarlaýynsha, 11 qarashada Italııanyń Padova qalasynda 22 jastaǵy Fılıppo Týretta ózіnіń burynǵy súıіktіsі 22 jastaǵy Djýlııa Chekettındі óltіrgen. Jіgіt boıjetkendі 20-dan astam ret pyshaqtaǵan. Polıetılenge oralǵan áıeldіń denesі bіr aptadan keıіn ǵana kól jaǵasyndaǵy aryqtan tabyldy. Qylmys qyzdyń úıіnen 150 metr qashyqtyqta bolǵan.

Qylmys ornynda polıtsııa zardap shekken adamnyń qanyn, shashyn jáne jіgіttіń qyzdyń aýzyna japsyrǵan taspasyn tapty.

Eń soraqysy, jіgіt pen qyzdyń kıkіljіńіn kórgen adamdar polıtsııaǵa habarlaǵan, alaıda olar habarlamaǵa jaýap bermegen.

Fılıppo Týrettany 19 qarashada Germanııa polıtsııasy ustady. Ol óz qylmysyn moıyndady.