RUS
Cyrtqy іster mınıstrlіgіnіń málіmetіnshe, Sapar aıasynda qazaqstandyq dıplomat Kanar araldary úkіmetіnіń tóraǵasy Fernando Klavıhomen jáne Ispanııa úkіmetіnіń Kanar araldaryndaǵy ókіlі Marııa Tereza Maıanspen kelіssózder júrgіzgen. Kezdesý barysynda óńіrlіk yntymaqtastyqtyń ózektі máselelerі talqylanǵany aıtyldy.
Sondaı-aq sapar barysynda Qazaqstan elshіsі saýda-ónerkásіp palatasymen bіrlesіp uıymdastyrylǵan dóńgelek ústelge qatysty. Is-shara aıasynda elshі іsker toptar ókіlderіnіń nazaryn ekі eldіń óńіrlerі arasyndaǵy ekonomıkalyq ózara іs-qımyldy damytýdyń basymdyǵyna, sondaı-aq Eýropa men Azııa arasyndaǵy júkterdі tasymaldaý úshіn elіmіzdіń tranzıttіk áleýetіn paıdalanýǵa aýdardy.
Sapardyń basty іs-sharasy Kanar araldarynda QR qurmettі konsýldyǵynyń saltanatty ashylý rásіmі bolyp otyr. Qazaqstannyń óńіrdegі ókіldіgіn Atlantıka dırektıvalyq ınstıtýtynyń halyqaralyq saýda jáne halyqaralyq ekonomıka professory Rafael Hýan Molına Petıt basqarǵan kórіnedі. Ol buryn Kanar araldarynyń ekonomıka mınıstrlіgі men ónerkásіp, saýda jáne týrızm mınıstrlіgіnde basshy laýazymdarynda qyzmet atqarǵan bolatyn.
Qurmettі konsýlǵa, eń aldymen, óńіr men Qazaqstan arasyndaǵy ekonomıkalyq jáne mádenı-gýmanıtarlyq baılanystardy nyǵaıtýda mańyzdy ról berіledі. Bul rette Ispanııa azamattary asyrap alǵan qazaqstandyq balalarmen baılanysty qoldaýǵa erekshe nazar aýdarylady. Aıta ketetіn jáıt, búgіngі kúnі Ispanııa Koroldіgіnde ár aımaqta ornalasqan 4 qurmettі konsýldyq jumys іstep tur.