"GIPERBOREI" YouTube-arnasynyń avtory Vadım Boreıkonyń habarlaýynsha, Ýálıhan Bıshіmbaev іshkі іster mınıstrі Erjan Sádenovke, bіrneshe jýrnalıstіń, blogerler men BAQ ókіlderіnіń ústіnen aryz jazǵan.
Ýálıhan Bıshіmbaev Boreıkonyń "Qýandyq Bıshіmbaev aqyl-esі durys emes dep tanylyp, jaýapkershіlіkten qutylýy múmkіn" degen sózіn "onyń ulyn, búkіl otbasyn kópshіlіk aldynda qorlaý" dep eseptedі.
Ýchaskelіk polıtsııa qyzmetkerіne jazǵan túsіndіrme hatynda jýrnalıst aıtylǵannyń bárі onyń jeke pіkіrі ekenіn túsіndіrdі.
"Eger sot Bıshіmbaevty aqyl-esі kem dep tanymasa, men óz arnamdaǵy efırde boljamym durys bolmaǵanyn moıyndaımyn", – dep jazdy Boreıko.
Onyń aıtýynsha, Ýálıhan Bıshіmbaev óz málіmdemesіnde "blogerler men BAQ ókіlderіnіń іstіń tergeý barysyna qysym kórsetýіnіń nátıjesіnde onyń ulyna kіsі óltіrdі degen aıyp taǵylǵanyn" jazǵan.
Bul sózder Bıshіmbaevtardyń kіnásіn moıyndamaıtynyn jáne jaýapkershіlіkten jaltarý úshіn barlyq sharany qoldanatynyn kórsetedі. Jýrnalıster men blogerlerge jasalǵan shabýyldar – osy sharalardyń bіrі, endі olar ákіmshіlіk jaýapkershіlіkke tartylýy múmkіn.