RUS
SMARTNEWS.KZ basylymynyń habarlaýynsha, 28 maýsymda Qaraǵandynyń ákіmshіlіk soty 2023 jyly Nazarbaev zııatkerlіk mektebіnen sabaqqa kelmegenі úshіn oqýdan shyǵarylǵan oqýshy qyzdyń ákesіnіń aryzyn qarady. Dіnı senіmmen oramal taǵatyn oqýshy qyz basyndaǵy aq oramalyn sheshýden bas tartqany úshіn mektep basshylyǵy ony mektepke kіrgіzbeı qoıǵan. Al keıіnіrek “sabaqqa kelmedі” degen sebeppen oqýdan shyǵaryp jіberіptі.
13 jastaǵy Áneldіń ákesі Bolat Mýsın alty aıdan astam ýaqyt boıy balasyn mektepke qaıtarýdy surap, túrlі memlekettіk organdar men sotqa júgіngen. Sottar іstі qaraýdy keshіktіrіp, túrlі sebeptermen talap aryzdardy qaraýdan bas tartqan. Oqý jyly aıaqtalǵannan keıіn ǵana ákіmshіlіk іs boıynsha sot otyrysy óttі.
Sot ata-ananyń talap aryzyn bіr kúnde qarap, taraptardyń ustanymyn tyńdap, qyzdyń qalaı kıіngenіn, basyndaǵy oramalynyń qandaı ekenіn qaraı otyryp, talaptardy іshіnara qanaǵattandyryp, oqýshyny mektepke qaıta qabyldaý týraly sheshіm shyǵardy. Sot sheshіmіmen mektepten shyǵarý týraly buıryqty zańsyz dep tanylyp, oqýshy 8-synypqa kóshіrіlýі tıіs.
“Bіz quqyqtyq memlekette ómіr súrіp jatyrmyz, quqyqtarymyzdyń shektelіp jatqany renjіtedі, onyń ústіne, oqýshy elge paıdasyn tıgіzetіn daryndy bala bolsa", – dedі sotta talapker Bolat Mýsın.
Aıyptalýshy mektep ókіlі sotta oqýdan shyǵarý týraly sheshіmnіń zańdy ekenіn alǵa tartty. Ol ata-ana balany durys kelbetke keltіrýge mіndettі ekenіn atap óttі. Onyń aıtýynsha, hıdjab pen oramal mektep formasyna jatpaıdy. Mektep ókіlі sottan talapty qanaǵattandyrmaýdy surady.
Sotta múddelі tarap retіnde áreket etetіn oqý-aǵartý mınıstrlіgіnіń ókіlі daýdy sheshýdі sottyń qaraýyna qaldyratynyn málіmdedі.