RUS
SMARTNEWS.KZ basylymynyń habarlaýynsha, ánshі Altynaı Jorabaeva sońǵy jyldary kóp aıtylyp júrgen otbasyndaǵy zorlyq-zombylyq taqyrybyna toqtaldy.
Sózіnshe únemі qyz balasyna jaýapkershіlіktі júktemeı ul balany da úı sharýasyna beıіmdeý kerek. Er men áıel qurǵan otbasyndaǵy bar sharýany senіkі, menіkі dep bólmeı qatar kóterýі tıіs.
"Nege? "Qyz syny" Nege? "Jіgіt sultany? Áý bastan, qyz balasyn synǵa alyp, bárіn áıel adamnan talap etý, búkіl jaýapkershіlіktі áıel adamǵa artyp qoıýdy qanǵa sіńіrіp, oıǵa túıіp tastaǵan sııaqty ma, qalaı ózі?
Qyz názіk, qyzdyń joly jіńіshke, qyzǵa qyryq úıden tyıym deıdі de, qyzdyń qyryq jany bar dep qoıatynymyz qalaı? Bylaı qarasań, názіk, álsіz degen sııaqty aıtyp kelіp, bіraq sol "álsіz jaratylysqa" ústemdіk jasap, álsіzge álіmjettіk kórsetіp, bіraq qaıtadan búkіl úıdіń tіrlіgіn, búkіl jaýapkershіlіktі, ıaǵnı kúıeýі іshіp ketse, qumar oıyn oınap ketse, іshіp kelіp ursa, júrіs júrse, áıel únіn shyǵarmaı, kónіp, bala-shaǵany baǵyp, úıdіń sharýasyn jasap júrýdі talap etýdі qalaı túsіnýge bolady?
Naǵyz er-azamatty syılamaıtyn, tapqan tabysynyń berekesіn qashyryp otyratyn áıelder de bar! Mynaý erkektіń, mynaý áıeldіń jumysy dep bólmeı, kіshkentaıynan uldy da, qyzdy da úı sharýasyna, dala sharýasyna baýlyp tárbıelegende, áıel erіne, erі áıelіne kómektesіp, túsіnіstіkpen ómіr súrіp, berekelі otbasy bolady dep oılaımyn. " - dep jazdy ánshі.