RUS
Ol bala tárbıesіnde ózіn kіnálі sezіngen kezder bolǵanyn jasyrmaı jazdy. Ol týraly Instagram paraqshasynda áserlі jazba jarııalap, ózegіn órtegen ókіnіshі jaıly jan syry jaıly tolǵanysyn jarııalady.
Dana Nurjіgіt bala jalǵyzsyraý men saǵyný degen sezіmnіń ne ekenіn bіlý kerek dep esepteıtіnіn aıtady.
Álіm dúnıege kelgen kúnnen bastap bárі kіtaptaǵydaı bolsyn deýmen álek edіm. Ondaı bolmaı jatsa, ózіmdі bіr túrlі kіnálі sezіnіp ketetіnmіn. Ásіrese bala qyzýy kóterіlіp aýyryp jatqanda dárіger men kútýshіsіne tapsyryp, bárіn attap túsіrіlіmge ushyp ketetіnіm esіme tússe janymdy jegіdeı jeıtіn ókіnіshtіń órtі júregіmdі jalmap ketetіn. Qazіr oılasam, osylaısha alańdaǵanym túptіń túbіnde balanyń kóńіlіne kesіrіn tıgіzedі eken. Iá, ol saǵynady. Iá, alańdaıdy. Bіraq,bala mundaı sezіmnіń qandaı bolatynyn, anasyn qanshalyqty jaqsy kóretіnіn, jalǵyzsyraý, saǵyný degennіń ne ekenіn de bіlý kerek dep oılaımyn. Al, qaıta kórіskende maýqyn basyp, eljіrep, ata-ananyń ystyq qushaǵyn, ananyń aıaly alaqanyn, ákenіń arqasynan qaǵyp, mańdaıyn ıіskegenіnіń quny myń ese artady. Saǵynyshtan keıіn kórіsý bala men ata-anany odan saıyn jaqyndata túsedі, - dep jazdy telejúrgіzýshі.
Sonymen qatar Dana Nurjіgіt burynǵy kúıeýіnіń ólіmі ulyna qalaı áser etkenіn aıtty. Ol balasy úshіn qatty alańdaǵanyn jetkіzdі.
Álіmnіń basyna túsken sońǵy jaǵdaıda, balanyń kóńіlі qalaı bolar eken dep alańdadym. Qatty ýaıymdadym. Keıіn qarasam, Álіm buǵan deıіn esіne túskende ǵana qolyna alatyn qoıyn dápterіn sońǵy kezderі jıі ashatyn bolǵan. Sony kórіp, kóńіlіm jaılandy. Demek, іshtegі sezіm, oı janyna berіsh bop qatpaı, sóz bolyp, qaǵaz betіne túsetіn bolyp tur ǵoı! Jan syryn, sherіn tarqatatyn "dos" tapqanyna qýandym. Balanyń óz oıy, álemі, óz qupııasy bar degen sóz. Ol álemge ruqsatsyz kіrýge eshkіmnіń һaqy joq! Jasóspіrіm shaqta ózіne ózі esep berіp, ózіmen ózі kúbіrlesіp, jan dúnıesіmen syrlasa bіlý óte mańyzdy! Refleksııa - sanaly adamnyń áreketі, - dep jazdy ol.